開唔到post , 唯有係呢到開 , 希望有前輩可以點醒我
上星期in份工既時候唔知係咩工黎既
直到in既時候 , 先知原來間公司係做投資黃金
番左四日 今日假期
一直以黎都係打電話 , 然後用個半鐘頭training
唔係話番工好悶 唔介意 始終都係個句:幫緊自己賺錢 (以家心諗 , 咪即係自僱...)
小弟本善良 對於呃人既野 好唔想做
黃金個價係升左十年 以家都係升緊
但係就係因為咁 , 所以先驚
然後今日放假 上網睇好幾個文章唔係話比黃金經紀累到點 就係講黃金經紀呃人
http://realforum.zkiz.com/thread.php?tid=34558
特別係呢篇 睇完之後 真係好膽心
我由第一日已經好怕自己做左d違背自己良心既事 覺得唔係好對路
然後第二日上司就同我講 你睇下個黃金升到幾痴線 點會輸
我就覺得自己有能力既時候係可以真心幫客賺錢既姐 , 打從心底咁幫客賺錢 都幾好啊
但係睇完文章之後 , 心諗其實份工係咪真係適合我呢
無人係網上問過相關既野 , 所以自己唯有出post問我 亦都好希望我既問題幫到情況類似我既朋友
我知呢種post唔應該係呢個論壇出現但真係好希望有前輩可以點醒我
做落去?唔做落去?