普通會員
wager (只扮高深 不必求真)
avatar
121.202.18.184
金錢: 1750.95
帖數: 358
GP: 1987
LV: 19
交易所:
9樓提及
呢啲CABLES..."...One financial contact told us that the conversation about the future of the peg has already begun within a Hong Kong Government (HKG) advisory committee that he sits on....”
...


呢單聽過, 白頭金剛. 屎撐難撐, 撐到自己落莊, 巧清羔咁屎圍遊, 發現自己茅乜料, 又茅乜俾面, 唯有繼續做滷味朋友, 發文話應該要廢左條拎...
普通會員
ironforge (鐵爐堡)
rbenabled
avatar
118.140.33.7
金錢: 3177.88
帖數: 5030
GP: 2637
LV: 71
交易所: 13650000.00
長痛不如短痛, 早就要廢左條link
普通會員
greatsoup38
rbenabled
avatar
123.203.72.56
金錢: 136201.70
帖數: 152115
GP: 3277
LV: 391
交易所:
我好怕廢左我地D錢唔掂
普通會員
ckcy2k
rbenabled
avatar
14.199.120.193
金錢: 12374.60
帖數: 761
GP: 331
LV: 28
交易所:
Hi, 順叔. Your previous articles on Li's empire are very enlightening. Looking forward to your analysis on Li's latest move concerning Power Assets. Thanks a lot!

smiley
「曾經,有一隻好有潛力嘅股票擺喺我面前,但我無好好咁去珍惜,等到低位沽咗嘅時候先至後悔莫及,股海中最痛苦嘅事情莫過於此。如果上天能夠畀我一個重新嚟過嘅機會,我會同我個經紀講三個字:『唔好放』。如果係都要喺隻股票加上一個目標價,我希望係,一萬蚊。」 ~ckcy2k
普通會員
順叔
avatar
58.152.72.85
金錢: 815.30
帖數: 95
GP: 1390
LV: 10
交易所:
嘻嘻,又到期交保護費...

總評分: 5
紀錄: | ironforge: GJ x 5
普通會員
wilsonchui
rbenabled
avatar
218.103.111.82
金錢: 2454.83
帖數: 4960
GP: 10676
LV: 71
交易所: 15200000.00
順ching有否性趣分享多d呢期最hit 既誠伯賣燈?^^
暫時聽得最多既猜測/演譯:
1. 陰謀論:撤資,報紙佬最鐘意渲染呢d 故事
2. 降低和黃負債: 今朝睇林少陽講話港燈太多隱藏負債,個息一升就頭痕。拆港燈可以減輕老母和黃個負債比率
3. 業務前景: 有人話係佢唔睇好香港利潤管制, 亦有人話係因為英國工黨打算減電價減氣價
普通會員
順叔
avatar
58.152.72.85
金錢: 815.30
帖數: 95
GP: 1390
LV: 10
交易所:
本來無碌柒,何處切條撚。
撤條毛咩
普通會員
順叔
avatar
58.152.72.85
金錢: 815.30
帖數: 95
GP: 1390
LV: 10
交易所:
唔喺呢度講咁多誠伯了,查實之前李氏樓刁及變態超人兩篇嘢,已經包晒禾想講的,再講落去,已經係競走偏鋒的陰毛論,冇乜觀眾的
普通會員
loboyc
rbenabled
avatar
220.232.212.162
金錢: 0.40
帖數: 7
GP: 0
LV: 3
交易所:
順叔fans留名~!! 快D 寫多D 好野呀~!support!
普通會員
fataunt77
avatar
123.203.82.2
金錢: 6.30
帖數: 5
GP: 0
LV: 3
交易所:
順叔 個新人入去證監會係咪幫班強盜上市 定係另有其謀/
查夫人個報告又話要吸引外國IPO 其實港膠所係咪志不在此大盜 ?
鬍鬚曾對班大賊既態度又一時一樣
肛交所好難捉摸呀!!!
普通會員
jj1984 (亂UP24)
rbenabled
avatar
113.254.250.74
金錢: 2419.15
帖數: 3144
GP: 254
LV: 57
交易所:
冇人睇左順叔既聖誕文咩?好好睇!!!
普通會員
greatsoup38
rbenabled
avatar
123.203.72.56
金錢: 136201.70
帖數: 152115
GP: 3277
LV: 391
交易所:
http://caijingcarefree.blogspot.hk/2013/12/blog-post.html
上回講到,美國二五仔大兵曼寧,將佢老美駐全球各領事館的超卨25萬份情報電文,洩咗俾維基解密,爆到全球都係,結果曼寧被判坐監35碌,如果真心支持資訊自由平等人權,對曼寧表達支持的最好方法,就係唔好浪費佢一番心血,閒時重溫嚇佢爆俾維基解密的內容,包括大約950份由香港老美領事館發出的情報電文。

香港政商高人當中,最經常出出入入花園道老美領事館、兼且最大口的,大家又估嚇係邊個?苦瓜李柱銘?錯。多銀教主陳日君?錯錯。民主阿婆陳四萬?又錯。大話精CY (Lai)?都錯。

冇錯,頂頭張相查實已開估,答案係任志剛呢條「香港第一拎」。下文引述咗部分維基解密有關任一蕉同美國使館人員的會晤內容,各Reference ID後的Hyperlinks,就係任一蕉在花園道的一條條腳毛。

普通人去老美領事館,通常都會媽媽聲,又打手指模又排隊,任一蕉當日作為香港金管局行政總裁,全球人工最高的所謂「中央銀行家」,工作只有一樣,就係含住聯繫匯率條拎(Link),佢摸上老美領事館,好似普通人返阿媽屋企食飯咁平常如入冇人之境,例如有次去開搞護照,都會特登走去同老美領事打嚇招呼嗲幾句。(Ref ID: 08HONGKONG1746)

眾所久知,任一蕉仲話得事的時候,堅持唔肯改革香港聯匯,不過對住美國佬講起大陸的匯率,條友又會雙重標準,兼且好鍾意阿吱阿咗,例如在2006年3月,有幾件老美參議員,訪華兼順便訪港,作為常客,任一蕉例牌衝去花園道打招呼,同人哋講人仔匯率改革步伐「不幸地緩慢」(Unfortunately slow),當年人仔匯率係中美關係熱點,任一蕉作為香港金融要員,鼓勵美國參議員,繼續向中國施加政治壓力(the U.S. should by all means continue to put political pressure on China),唔知算唔算手指拗出唔拗入?(Ref ID: 06HONGKONG1285)

咁都未算,同一場合,任一蕉更加在老美參議員面前,大口點評北京領導人,明示暗示,在人仔匯率改革問題,當時的總理溫家寶太保守阻頭阻勢,人行行長周小川面對太多官僚掣肘,如果周小川話得事,人仔改革晨早掂咁話。(If it was just Zhou, you'd be there)當年的副總理鐵娘子吳儀,在老美圈內評價甚過,任一蕉仲提醒美國朋友,由金融改革的職責到認識,吳儀其實只係一知半解。(her responsibilities and knowledge with regard to reform of the financial system are limited)

查實2005年7月匯改之後,人仔一直在上升軌跡,2006年3月的時候,兌美元已經開始衝「八算」,換句話講,港元咬住「7.8」,人仔兌港元好快見「一算」壓力(2007年1月人仔兌港元突破Parity一兌一),阿水都見到,內地同胞嚟香港買樓掃名牌,折扣越嚟越大,任一蕉堅持聯匯對香港冇構成通脹壓力,唔知呃邊個。佢老味,呢班友仔對住美國佬又係另一套講法。2006年4月一份外交電文顯示(Ref ID: 06HONGKONG1383),有條坐喺香港政府某委員會的二五,同美國駐港領事館爆料,話有關聯繫匯率廢存問題的內部討論,查實已經展開!(One financial contact told us that the conversation about the future of the peg has already begun within a Hong Kong Government advisory committee that he sits on)夠資格為匯率向港府提供意見的委員會,唔會有好多個,最大嫌疑,就係嚟自金管局樓下的外匯基金諮詢委員會,呢條二五仔係邊個,呼之慾出啦。

當然,唔排除有人提供流料跣尻佢老美的,不過如果閣下在未來五至十年退休,強積金、保險等以美元計價,閣下又相信假如脫鈎之後港元兌陰司紙可能升值的話,就要諗諗自己份防老儲備會唔會唔見一截。(順叔近年買的保單,已經全部轉買港元,因為預咗在香港退休)

公道講句,港元既然拎咗陰司紙,作為金管局阿頭,任一蕉同佢老美保持緊密聯繫,瞭解美國金融政策變化,可以話係職責一部份,不過,任一蕉同佢老美係未行得太埋,唔同人可以有唔同判斷。例如在2009年3月,任一蕉上京之前,預先拜會花園道,爆響口話中國即將容許幾百間公司作為人仔貿易結算的試點。(REF ID: 09HONGKONG559)

又例如在2009年10 月,任一蕉同美國金融情報官Stuart Levey工作午宴,條美國佬提出北韓利用香港銀行進行核計劃相關的財務交易,點曬名(姓名、公司同埋銀行都有)要任一蕉幫手,任一蕉就拍心口話金管局在香港擁有「高度自主」(high degree of autonomy),不過有關北韓資金的問題,佢會透過「私底下、非正式的對話」(private, non-official conversations with local banks on UNSCR-related issues)向香港銀行提出溫馨提示咁話。(REF ID: 09HONGKONG1266)

可以試嚇想像,如果任一蕉同老美咁熟,同當年捧佢上神枱的英國阿蛇,關係又點會疏遠,去得花園道出出入入,又點會唔順便行過正義道探嚇英國駐港領事館?事實上,任一蕉向英國前老闆提供的情報,細緻到包括北京領導人的飲食習慣! 根據2009年6月在北京美國領事館發出的電文,引述咗英國駐北京使館官員Tamsin Rees所透露、有關中英經貿對話的細節,條女提到,任一蕉聲稱同中國副總理王岐山好老友,經常一齊飲酒 (the former head of the Hong Kong Monetary Authority had said he used to go drinking together with Wang),點知跌尻咗英國阿蛇一鑊金,話說2009年王岐山訪問英國,英國人於是根據任一蕉提供的情報,準備咗盛大的「Whisky dinner」,點知王岐山話自己「酒精敏感」,滴酒不沾,搞到成件事變咗「bloody disaster」。(REF ID: 09BEIJING1582)

北京自己都養埋一大堆大陸密探零零柒,應該已經建立自己人事檔案,邊個係花園道正義道常客,應該心裡有數,老美電文亦唔涉及乜嘢高級別的機密,對來自大陸的「有心」讀者嚟講,涉及香港人和事的老美電文,最有睇頭的,反而係香港目標人物在美國佬面前、非公開場合的意態:邊位人兄講咗乜嘢、人前人後表現有冇唔同。當25萬份電文,透過維基解密爆到通街都係之後,在2009年5月底,就爆出任一蕉唔會再冧莊金管局總裁的消息,唔知通佢老美電文的內容,有冇影響到任一蕉的仕途呢?既然任一招係千年難得一見的能吏,值千九幾萬港銀一年,點解退休之後,在大陸金融體系乜嘢顧問角色都冇?唔通北京覺得呢條友養唔熟?

眾所久知,英國契媽的殖民年代,香港在國際財經事務上,屁都唔會放一個,毫無角色,在後過渡期,出現180度大轉變,「香港」開始出席(出現)世界貿易組織、APEC、世界航空、航海協議、設立駐華盛頓及倫敦「專員」等。好簡單,如果香港呢隻當年會生金蛋的鴨,唔可以再為契媽服務,97回歸之後,對英國最有利的發展,就係香港在國際財經事務上,保持高度獨立自主,根據前港英政治部Agent羅亞所講,呢招叫做「己所不欲盡施於中國」。(見《香港絕密檔密》第121-123頁)

在「高度自主」的香港,最「高度自主」的財金系統,唔使問阿桂,莫過於金管局,而任一蕉在位咁多年,有眼睇,力保金管局「獨立王國」地位不遺餘力,舉個例,又係維基解密,在2008年10月,任一蕉向老美使館講,希望香港在討論國際金融危機的Financial Stability Forum,擁有獨立一席位,(REF ID: 08HONGKONG1984)暗示唔想只係作為G20成員中國代表團的成員之一,任一蕉甚至講到出面,呢個問題佢唔好意思開聲,最好由佢老美代勞(Yam replied that it would be difficult unless someone outside of Hong Kong raised it with Beijing),到咗2009年3月,Financial Stability Forum議決取消香港席位,任一蕉又即刻跑上花園道喊苦喊忽,話呢個係忽視香港重要金融中心地位的嚴重錯誤云云。(REF ID: 09HONGKONG530)

有人話國際城市的獨特地位,係保持競爭力的重要元素,呢個講法,唔會有太多人反對,不過呢,如果同一班友仔同你講,又要擔心香港被上海新加坡超越的話,就屬於硬膠性的自相矛盾。假如一黨專政的上海、一家專政的新加坡,都有條件成為國際金融中心,咁香港經濟體系向大陸靠攏,又點會影響競爭力?

當然啦,最能將香港阻隔於大陸經濟,同陰司紙體繫緊緊綁埋一齊的,就係聯繫匯率呢條冚家拎,而最出力捍衛呢條冚家拎的,之唔係就係任一蕉。任一蕉執掌金管局呢個獨立王國16年,咬住七點八唔放,拍拍屎忽走人之後,2012年又話係時候檢討聯匯,邊度有人咁屎忽架,可以好公道咁講句,全香港最冇資格講檢討聯匯的,就係任一蕉。

講到呢度,近排陰毛上腦的順叔,忍唔住要引述羅亞有關98年亞洲金融風暴的陰謀論(見《香港絕密檔密》第90頁):

  「九八年來政局氣象,似乎也因應過渡後而趨新,陰謀論者以為前港英政府開始發動其隠藏殺著,出手狠毒,招招針對要害,向本港命脈痛下殺手。局內人以為過去港英運作百年,香港成功因素己是公開秘密,前朝鷹犬如肥彭之流,「俸祿」仍舊照支,未致貽害特區,但若能洩漏玄機,把本港賴以謀生的金融經濟要害公諸西方財閥,利用本港自由銀行體系弱點,投下賭注一舉而攻下香港。

  深諳前朝歷史讀者,當會知道過去最少英裔官員控馭的部門,正是金融銀證經貿機關,全數任用華人忠貞分子,為港英最早實驗「本地化」計劃之所。此批前高官技藝招式有限,份屬英式流派,此時任由其施展所長,全部不出對手所料。國際投機打手如索羅斯之輩,早己獲前朝傳授絕招解拆,只懂一式半招的特區高官,早在敵方掌握之中。

  事有湊巧,過渡後港府屢遭考驗,特區危機此起彼落,最早有禽流感事件,經而有港元遭受衝擊脫鈎可能,近日更發展金融體系受創,港府官員笨拙手法,一一表現無遺…」


話時話,98年三英戰大鱷,氣吞天下的當奴,臨退休幾乎過唔到世,肥龍當然亦一身蟻,唯獨任一蕉繼續風騷人間。查實,任一蕉都有鋪癮買Penthouse的,近的唔使講,真金白銀買落IFC頂樓的金融雲端,幫外匯基金增值唔少,跑馬地蔚雲閣頂層複式單嘢,唔知又有幾多人記得?

關連文章:
1. 老美二五仔(上)|(下)
2. 抽水兩條拎(上)|(下)

伸延閱讀:
1. 羅亞:《香港絕密檔密》第121-123頁
2. 羅亞: 《香港絕密檔密》第89-90頁
3. 壹週刊:任志剛的不尋常交易
4. 星島日報:任總自爆20年買樓詳情
5. 林本利:新地優質品牌的背後
普通會員
greatsoup38
rbenabled
avatar
123.203.72.56
金錢: 136201.70
帖數: 152115
GP: 3277
LV: 391
交易所:
http://std.stheadline.com/archiv ... keyword1=&keyword2=
任 總 自 爆 20 年 買 樓 詳 情

( 星 島 日 報 報 道 ) 金 融 管 理 局 總 裁 任 志 剛 昨 天 詳 細 披 露 他 過 去 二 十 年 的 買 賣 物 業 安 排 ﹐ 以 回 應 民 主 黨 對 他 於 九 二 年 買 入 蔚 雲 閣 單 位 的 關 注 。 任 志 剛 表 示 ﹐ 是 他 主 動 向 新 鴻 基 洽 購 該 項 物 業 ﹐ 而 售 價 更 較 低 一 層 同 一 單 位 的 價 格 高 出 百 分 之 十 四 點 二 。 而 他 所 有 物 業 交 易 及 作 價 ﹐ 皆 有 向 上 司 申 報 ﹐ 使 財 政 司 司 長 確 知 這 些 交 易 均 按 適 當 程 序 達 成 。

民 主 黨 昨 天 去 信 公 務 員 事 務 局 局 長 王 永 平 ﹐ 引 述 最 近 有 報 道 指 任 志 剛 、 前 機 管 局 行 政 總 裁 林 中 麟 和 地 政 署 副 署 長 佰 利 於 九 二 年 透 過 內 部 認 購 以 優 惠 價 向 新 鴻 基 地 產 購 買 跑 馬 地 蔚 雲 閣 一 事 ﹐ 要 求 澄 清 三 名 官 員 在 價 錢 、 購 買 方 式 或 其 他 事 情 上 是 否 獲 得 優 惠 ﹐ 有 否 違 反 《 防 止 賄 賂 條 例 》 。

對 於 民 主 黨 的 關 注 ﹐ 任 志 剛 昨 天 詳 細 披 露 他 二 十 年 來 的 買 樓 歷 程 。 針 對 內 部 認 購 蔚 雲 閣 問 題 ﹐ 任 志 剛 指 出 ﹐ 他 是 在 蔚 雲 閣 施 工 期 間 ﹐ 即 進 行 查 詢 及 表 示 有 意 購 買 。 在 他 與 新 鴻 基 地 產 聯 絡 後 ﹐ 雙 方 於 九 ○ 年 十 一 月 二 十 八 日 達 成 買 賣 條 件 的 初 步 協 議 。

至 於 是 否 獲 得 價 錢 優 惠 ﹐ 任 志 剛 指 出 ﹐ 由 於 有 關 物 業 是 複 式 單 位 ﹐ 因 此 協 議 規 定 價 格 將 按 照 其 他 各 層 單 位 首 次 開 售 ( 當 時 定 於 九 一 年 一 月 ) 每 平 方 呎 的 售 價 再 加 上 溢 價 計 算 。

在 此 情 況 下 ﹐ 該 物 業 的 每 平 方 呎 售 價 較 低 一 層 同 一 單 位 的 售 價 高 出 百 分 之 十 四 點 二 。 另 外 ﹐ 任 志 剛 須 以 當 時 市 價 另 付 天 台 及 泊 車 位 。 付 款 安 排 方 面 ﹐ 任 志 剛 於 一 九 九 一 年 二 月 至 物 業 落 成 期 間 以 年 息 率 十 厘 支 付 利 息 。

他 於 一 九 九 二 年 期 間 支 付 該 物 業 的 款 項 ﹐ 其 中 最 後 一 筆 款 項 於 九 二 年 九 月 支 付 。 據 土 地 註 冊 處 資 料 ﹐ 該 項 物 業 作 價 五 百 八 十 六 萬 元 。

至 於 被 指 與 其 堂 兄 任 錦 光 不 尋 常 交 易 的 嘉 兆 臺 及 南 灣 大 廈 ﹐ 任 志 剛 亦 作 出 詳 細 解 釋 。

任 志 剛 昨 天 提 供 的 資 料 又 顯 示 ﹐ 他 自 八 十 年 代 開 始 ﹐ 共 進 行 過 六 項 物 業 買 賣 交 易 ﹐ 至 今 年 只 剩 下 蔚 雲 閣 及 南 灣 大 廈 兩 項 物 業 屬 他 所 有 。 他 甚 至 披 露 了 九 八 年 與 前 妻 離 婚 時 ﹐ 龍 景 樓 歸 於 前 妻 ﹐ 蔚 雲 閣 據 為 己 有 的 離 婚 安 排 。

根 據 利 益 申 報 制 度 ﹐ 任 志 剛 只 須 向 公 眾 披 露 他 所 擁 有 的 物 業 數 量 ﹐ 但 就 需 要 向 財 政 司 司 長 申 報 詳 細 資 料 。 財 政 司 司 長 發 言 人 表 示 ﹐ 任 志 剛 已 依 正 手 續 ﹐ 將 他 應 申 報 的 事 項 都 作 出 申 報 。
普通會員
順叔
avatar
42.98.48.133
金錢: 815.30
帖數: 95
GP: 1390
LV: 10
交易所:


【Cinda-rella】好耐好耐以前,有個小姑娘,叫做Cinda-rella,佢有兩個好尻肉酸的家姐,一個叫RTC,一個叫TARP... 呢件中國影子銀行的灰姑娘,屌唔屌得過?

http://caijingcarefree.blogspot.hk/2013/12/cinda-rella.html

老美二五仔太重口味,冇Post上嚟,呢篇嘢好多數字未DOUBLE CHECK,睇住先,Happy New Year !

總評分: 5
紀錄: | jj1984: BJ x 5 | greatsoup38: GJ x 5 (新年快上) | VA: GJ x 5 (You are very kin! )
普通會員
Sunny^_^
rbenabled
avatar
119.246.185.213
金錢: 7891.39
帖數: 9194
GP: 1418
LV: 96
交易所: 13952000.00
順叔happy new year~~
普通會員
ironforge (鐵爐堡)
rbenabled
avatar
183.179.31.28
金錢: 3177.88
帖數: 5030
GP: 2637
LV: 71
交易所: 13650000.00
happy new year !!
普通會員
simonwor
rbenabled
avatar
1.36.217.157
金錢: 4799.00
帖數: 1648
GP: 794
LV: 41
交易所: 15761474.53
順叔新年快樂~~ 謝分享
"I know nothing except the fact of my ignorance." --- Socrates

"Games are won by players who focus on the playing field-not by those whose eyes are glued to the scoreboard" --- Warren Buffett

"不要想著贏,要想不能輸" --- 《KANO》
  ~simonwor
普通會員
greatsoup38
rbenabled
avatar
123.203.72.56
金錢: 136201.70
帖數: 152115
GP: 3277
LV: 391
交易所:
謝謝分享
普通會員
greatsoup38
rbenabled
avatar
123.203.72.56
金錢: 136201.70
帖數: 152115
GP: 3277
LV: 391
交易所:
http://caijingcarefree.blogspot.hk/2013/12/cinda-rella.html
「連信達做什麼生意也不知道」就落注的,大有人在,不過「連信達做什麼生意也不知道」就跟白頂紅唱黑的正義屎士,亦都唔少。本來財經茄哩啡已經改正歸邪,冇寫「IPO-1000 Focus」好耐,不過近排睇咗唔少西人西語,忍唔住手痕寫幾句,指教嚇。

先睇睇幾份西洋大報的標題。南華早報,8月已經開始唱衰大行動,大字標題「無還債能力的有毒廢料收集站」(China's insolvent toxic-waste dump);Economist,將中國四大資產管理公司(AMC)稱為「搽在豬咀的唇膏」(Lipstick on a pig);Forbes,質疑信達係中國有史以來最揾笨的新股(Is this China's Worst IPO ever ?)

從西本位出發唱淡信達的主流(主觀)論據,來來去去嗰幾飛,其一係中國AMC為阿公掃垃圾,冇納稅人埋單,信達已經爆煲十次;其二係跳掣式的條件反射反應,中國金融系統、國有銀行既然係垃圾,講多無謂,作為垃圾筒的信達,肯定更加垃圾。

查實西洋鏡背後,只是一般的洋相故事:好耐好耐以前,有個小姑娘,叫做Cinda-rella,佢有兩個好尻肉酸的家姐,一個叫RTC(Resolution Trust Corporation),一個叫TARP(Troubled Asset Relief Program)…

冇錯,「銀行 – 壞銀行 = 好銀行」呢條神奇公式,亦即係成立國控AMC為金融體系啜毒呢條橋,中國其實只係向佢老美偷師。80年代美國近千間吸存款放樓貸的機構(savings and loan associations),爆到一褲都係,RTC就係為咗處理系統風險而生的「壞銀行」,從1989年到1995年,RTC最少重組咗747間儲貸機構,納稅人直接間接埋單的金額,一樣以幾千億美元計。2008年金融核爆之後成立的TARP,查實亦係故技重施,不過阿TARP呢隻肥西,比RTC豬扒千倍而已。(題外話,佢老美日唱夜唱中國地方債風險,曉,帶頭爆煲唔能還錢的,之唔係底特律?!)

呢度唔係話中國金融系統冇問題,之不過一百步笑五十步,會笑大個口的。Bad debts tell good stories,順叔早月寫《變態超人》,講到長實(0001)阿誠伯90年代初準備殺入美國,第一單刁,就係收購RTC掟出街的其中一個垃圾債券30億美元組合,據當時和黃(0013)大班馬世民所講,買呢堆垃圾債券的最重要考慮,就係為咗「a periscope into corporate America」,可以即時掌握到近300間美國公司的信用資料。同樣道理,信達上市的最大價值,查實係提供咗一個瞭解中國金融體系的新功具,唔買都應該埋嚟睇嚇,跳掣式唱衰,同瞇埋眼炒新股,查實差無幾。

先睇歷史大背景,中國AMC誔於1999年,當時中國準備入WTO,由計劃經濟向市場經濟急劇轉型,大量國企仲未學識食自己,簡單掃一掃《朱鎔基講話實錄》在1999年前後的政治經濟問題,就知道十煲粥七隻蓋有幾傑,深層次矛盾集中反映在金融領域,只係在金融系統掃場,幾年間已經查處咗超過4萬友,好死唔死,撞正亞洲金融風暴,銀行體係累積大量壞帳,
1999年訪問北京的格林斯潘,都話中國學美國,成立「壞銀行」為「好銀行」買時間,係「非常有益」的方法。

即係AMC生出嚟就係為咗幫阿公做嘢,肩負「政策性」任務,四間AMC各自為四大國企銀行啜毒,信達可以話揹咗最厭惡性工作,因為對口單位係建行(0939) 喪搭國家開發銀行,1999年4月財政部注資100億(人民幣,下同)做註冊資本成立信達,幾個月後間嘢已經可以話insolvent,因為哽咗建行2,500億不良貸款,仲有國開行的1,000億筍嘢(合共3,500億)。

更大鑊者,在呢個信達稱為「政策性業務階段」(1999年至2003年)所收購的「政策性不良資產」,四大AMC要按銀行帳面值原價收購,冇任何折扣,硬食,融資方法主要透過向人民銀行借錢,仲有發行債券,而債券竟然又係由四大銀行買返!例如信達在1999年硬食建行2,500億壞帳,只係出咗30億現金,另外2,470億發行10年期、2.25釐的債券(下稱「歷史債券」)俾建行。

到咗2005年,建行已經夠靚仔上市,但係Cinda-rella仍然爛口爛臉,為咗消除投資者對建行所持「歷史債券」的疑慮,財政部拍心口支持有關欠款的信用;到咗2010年,本金加利息2千幾3千億「歷史債券」更由信達帳簿剔除,成為(資產負債)「表外資產」,信達同老母財政部成立「共管基金」,延期10年,信達用所得稅還本金,財政部用一般預算還利息,並且繼續提供信用保證。

換句話講,Cinda-rella挨義氣啜毒,只不過將大量不良資產,在阿公的資產負債表搬嚟搬去,並冇完全消化排出體外,呢個亦係一般老外睇淡信達處理不良資產能力的主要理由。至2010年底,信達累計硬食咗3,963億「政策性不良資產」,望落好似好大,不過扣除3,500億在1999年從建行及國開行購買的最大抽壞帳後,過去十幾年,Cinda-rella為阿公硬食的垃圾其實唔多,而且據信達招股書所講(冇披露原因),呢批最垃圾的資產,已經唔再表列於帳簿。

去到2012年底,信達累計收購咗11,061億元不良資產(原值,信達冇透露用咗幾多錢買返來),累計回收現金2,769億,以Cash recovery rate計,一蚊雞爛數回收現金25仙,不過呢條數,未包括處置過程中獲得的實物資產及股權,包括一大嚿所謂「債轉股」(Debt-to-equity swap)資產。

Cinda-rella幫銀行買壞帳,變身唔少國企的債主,收爛數的時候,銀債股償,收埋唔少大型國企的股權,呢嚿「債轉股」資產,有幾百間上市及非上市公司的股權,最大上市資產包括5.9%中國鋁業(2600)、7.3%青海鹽湖;未上市類包括42%神華准格爾、30%大同煤礦等。呢嚿嘢在信達的帳簿帳面值只有276億元,根據獨立估值報告(非IFRS),總值623億。

信達「債轉股」組合的公平值有冇被低估,睇下閣下點睇,驟眼望落去,超過60%資產,來自近一年最仆街的國企行業:煤碳,另外25%來自同類仆街的化工及金屬行業。換個角度睇,現價買入信達,變相撈底押注煤碳股,2007年的時候,呢抽嘢好值錢,問題係信達唔可以隨便將大量國企的主要股權亂掟,信達可能係最熟悉煤碳國企財務狀況的公司,做「債轉股」公司的大耳窿本身已經係一盤大生意,萬一未來煤碳化工行業真係出現過剩產能的整合,又或放寬民企外資入股相關國企的限制,信達可以係重組併購的重要玩家。

唔少西人評論,話信達披露不足,公司冇解釋具體業務,投資者落注只係靠個「信」字云云。查實就算唔計招股書資料披露水平,信達咁多年嚟,提供咗唔少資料,問題係論者有冇做功課,或者選擇性失明。

Cinda-rella幫阿公掃銀行垃圾多年,手上掌握超過50萬間公司的信貸記錄,本身就係一個極有價值的資料庫,好多人冇留意,信達本身亦幫阿公做智庫,研究壞帳成因及銀行體系風險,旗下有個「信達金融風險研究中心」,近幾年就有關議題做咗唔少公開報告,輯錄信達本身的案例,都已經出咗5本書,當然好多內容其實隱短揚長,不過或多或少可以瞭解信達的實戰攻防,例如當年三九集團(三九胃泰老母)的重組,仲有新疆天然氣開發公司以股抵債的案例,都提供唔少新聞傳媒以外的金融史料。

亦有部分相對深入的評論,例如Financial Times (Cinda:Making riches from rags)及Wall Street Journal(Pricey play on China's bad debts),指住信達手上的「不良資產」,有62%來自房地產,話呢個係信達最高險所在,呢個論據基本上成立,但引用資料錯到離罩。信達作為一間「壞銀行」,同一間現代銀行一樣,問題在於資產同負債好難簡單歸類劃分。所謂6成「不良資產」來自房地產市場,講緊信達近年增長最快的業務,亦可能係最大的風險因素。

信達在2010年完成股改,同年進入所謂「全面商業化業務階段」,呢一年最重要的突破,係攞正牌收買非金融類不良資產,亦係目前四大AMC唯一一間。在信達合併損益表的Top line,有項收入叫做「應收款項類不良債權資產收入」,2010年收入係「零」,2013年頭半年增加到42億,佔總收入22%;在合併帳簿,產生呢個爆炸性增長收入的資產,叫「應收款項類投資」,總額亦由2010年的「零」,狂升到2013年6月的804億,呢個增長新引擎的資產,有62%來自主要係地產市場的「非金融機構購入應收帳款」(並唔係FT及WSJ所講,信達超過6成「不良資產」來自地產市場)。

簡單嚟講,如果地產公司A揾咗建築公司B起樓,有筆1億銀尾數,6個月要找,地產公司A周轉有問題,信達會向建築公司B買咗呢筆應收帳,通常會有少少折讓,例如9,800萬咁(2%),跟住同地產公司A講數,將還錢期限延長,例如18個月,期間收地產公司A貴利。假設信達向銀行借一年錢拉均融資成本6%,又假設地產公司A要俾信達13%利息(中型地產商在香港發點心債,息口閒閒地雙位數字),調整2%收購折讓、3%壞帳率及其他使費,信達呢盤「應收款項類投資」投資,隨時有5至6釐回報,咁又解釋咗,點解信達帳簿上「借款」一項,會由2010年的78億,狂升至2013年6月的1,041億。

世界上又點會有低風險高回報的金融生意,呢盤高風險生意,銀行一直在大做特做,不過收收埋埋,出咗事就撥去做「表外資產」,信達上市前董事長侯建杭(見上圖)接受香港傳媒訪問,爆咗句陰毒,叫投資者睇睇銀行的「出表率」(將不良資產撥出資產負債表)的變化,就知道信達未來的增長空間。北京近年矢言打破銀行壟斷,銀監人行等監管機構,近排開始日日講住「去槓桿化」,民營銀行亦已經提上議程,在在顯示監管機構已經開始為銀行體系放氣,中國超過9成金融資產放在銀行體系,比例在未來數年好可能會大幅降低,將更多資產轉移到AMC及證券公司等金融機構。

講到呢度,其實唔難睇到,對風險胃納較高的投資者嚟講, Cinda-rella係「壞銀行」及「影子銀行」的混合體(可參考黃元山有關信達影子銀行角色的的短評),Cinda-rella上市,亦係投資者第一次可以透過大型上市國企,押注中國的影子銀行。

呢個「灰姑娘」屌唔屌得過,又可以咁睇,Cinda-rella除咗引咗策略投資者UBS及渣打(2888)上釣,仲有一抽基礎投資者,當中包括想揾Cinda-rella做盲公竹入大陸的垃圾債券專家(仲有準備在深圳前海大搞的神秘基金融通資本),聽講另一間AMC華融,已經開始傾緊外國策略投資者。入咗股,唔代表呢班友絕對睇好信達(半年Lockup過咗之後會有一定分曉),不過最少可以反映老外投資者對中國金融垃圾市場的濃厚興趣。

外國投資者(包括H股)持有的內地銀行股票市值,超過1萬億,飽飽滯滯,帳面1倍多少少都冇乜人吼,作為爛帳收買佬,信達屬於中國金融的「逆週期」奇貨,銀行越大鑊,信達越快樂,某程度上,睇好「壞銀行」即係睇淡內銀,呢個論點順叔基本上同意,不過如果話信達同內銀管理係「自相矛盾的故事」,就流於西人西語的硬膠理論,曉,歐美唔少垃圾債券基金非常成功,咁唔通又話西方金融市場係垃圾咩屌你。

呀,BTW,Happy New Year!
普通會員
VA
rbenabled
avatar
58.153.18.22
金錢: 608.33
帖數: 8079
GP: 383
LV: 90
交易所: 9531600.00
順叔, 冇人寫1359寫得咁Q正! You are so great!
VA所有言論並不能視作要約、招攬、邀請、誘使、建議或推薦。VA亦無法保證留言內容的真確性及完整性。請運用個人獨立思考能力自行求証分析,閣下之個人投資一切賺蝕得失,概與VA無涉。投資涉及風險,股票價格可升可跌。 ~VA
普通會員
順叔
avatar
42.98.48.133
金錢: 815.30
帖數: 95
GP: 1390
LV: 10
交易所:
https://fbcdn-sphotos-e-a.akamai ... 73_1772437562_n.jpg
輕拍你的臉,說聲HAPPY NEW YEAR! (唔覺唔覺又十年了...)
普通會員
順叔
avatar
42.98.48.133
金錢: 815.30
帖數: 95
GP: 1390
LV: 10
交易所:
普通會員
wilsonchui
rbenabled
avatar
218.103.111.82
金錢: 2454.83
帖數: 4960
GP: 10676
LV: 71
交易所: 15200000.00
順ching 新年快樂^^

good to see your post ! interesting point of view and thanks for the sharing~~~
普通會員
greatsoup38
rbenabled
avatar
123.203.72.56
金錢: 136201.70
帖數: 152115
GP: 3277
LV: 391
交易所:
順叔141樓提及
https://fbcdn-sphotos-e-a.akamai ... 73_1772437562_n.jpg
輕拍你的臉,說聲HAPPY NEW YEAR! (唔覺唔覺又十年了...)


那個小朋友都20有多了
普通會員
loboyc
rbenabled
avatar
220.232.212.162
金錢: 0.40
帖數: 7
GP: 0
LV: 3
交易所:
Thanks for sharing!!!
普通會員
ckcy2k
rbenabled
avatar
14.199.120.193
金錢: 12374.60
帖數: 761
GP: 331
LV: 28
交易所:
http://caijingcarefree.blogspot.hk/2014/02/blog-post_27.html
財經茄哩啡

文化大拍賣(上)

原圖: (1) 小雞啄米圖 (2) 藝術中國
今期附庸風雅,趁住保利文化(3636)上市,開文化,學人扮個「以為自己是文化人的財經茄哩啡」,不過唔係講新股抽唔抽,而係睇睇藝術幾錢斤,更正確咁講,係邊個話你知藝術幾錢斤。
講到文化藝術呢家嘢,首先要介紹出場的,就係有「中國十大收藏家」之稱的趙泰來。雖則唔知另外「九大收藏家」係邊幾位,不過大家如果有興趣,在網上摷兩嘢就會揾到唔少關於呢位阿叔的資料。
話說生於1954年的泰來哥,乃清末民初外交家、香港首位華人立法會議員伍延芳的外曾孫,1969年嚟香港投靠大姨媽(即係伍延芳個孫女),呢位大姨媽好索,不過唔知點解,成世疏起唔嫁,1979年去世之前,終於將一個大秘密爆咗口俾趙泰來知,原來生於大時代、成世人冇日時得閒的伍延芳,唔知點解,收收埋埋好叉多文物古玩,仲放在英國。礙於外嫁女唔可以繼承寶物(曾外孫又得?),終身不嫁的大姨媽,臨死前先將藏寶圖交俾趙泰來,跟住就係離奇過奪寶奇兵的情節,泰來哥去到倫敦某古老大屋,揾到個足球場咁大的地下室,裡面裝滿文物古董。
天降無價寶,仲要一次過十幾萬件,泰來哥不喜反驚,仲驚連累老婆被人標心,於是瞞住太座10年,獨自在英國清理記錄所有寶物(相信唔少男人都想請教,用咩藉口可以氹掂老婆俾佢放洋倫敦十年),門牙撞甩幾隻,包膠都花咗近百萬英鎊之後,趙泰來先整理好近十萬件一級國寶,過程當中,自己亦成為咗文明鑑賞專家。
今日中國藝術文物炒賣咁熾熱,泰來哥唔做中國首富都應該富甲十大,不過佢冇獨吞,賣咗幾楝阿姨留落嚟的別墅,自資將近文物運返中國,更加將其中6萬件捐贈俾大陸各大博物館,澳門賭王將件圓明園狗頭買返祖國,已經成為國寶回國的大英雄,泰來哥一炮過捐幾萬件國寶,仲得了,當堂成為大大大文化英雄,中央電視台專輯都上咗幾次,兩次成為「世界傑出華人」。(國寶檔案:香港文物收藏家赵泰来(上)(下)
一個人紅咗,自然有話語權,話你知邊件文物係堅料,乜嘢畫作係老作,好似泰來哥咁,出咗唔少書,包括文物古玩字畫的圖錄及專輯,頂住慈善家、收藏家、畫家、文物鑑賞專家等一大抽光環,在越嚟越瘋狂的中國藝術市場投資市場行走。
2005年,「以為自己是文化人的財經茄哩啡」第一次聽泰來哥的故事,一度感動咗一嘢,不過當同一故事,在中港不同傳媒重重覆覆、聽過無數次,而同一故事在細節又有多少出入的時候,開始有啲新體會。
有冇人留意,舊年2月左右,在鑽石山荷里活廣場,有一個畫展,展出咗趙泰來私人收藏的十五幅傅抱石畫作,冇幾耐,傅抱石的外孫女傅蕾蕾在微博爆響口,話十五幅所謂傅抱石真跡,全部係流嘢,轟動一時,趙泰來後來發表聲明,強調藏品全屬真品,並已經採取法律行動以保自己清譽。
又有冇人留意,舊年7月,大陸博客寫咗篇「少年Ma的奇幻歷史漂流之旅」,踢爆國家3A級景點、河北冀寶齋博物館裡面,近4萬件所謂文物,可能絕大部份係不知所謂的贋品,部份展品甚至印有現代卡通人物,單嘢揚咗之後,廣州日報好快跟進,踢爆在番禺寶墨園的趙泰來藝術宮文物館(收藏咗幾千件趙泰來捐贈回國的文物),好似唔好得冀寶齋好多(廣州日報:番禺也有冀寶齋?),商周戰國到元明清的各朝國寶都有,金縷玉衣都有兩大副,奇就奇喇,只係唔知有幾珍。(更奇者,冀寶齋被踢爆之後,冇耐個館長就瓜埋……)
即係咁講,如果有條老千,有大批孖精平酒想出手,可以佈個局,首先真金白銀買幾箱靚酒,甚至在拍賣會高價拍幾枝天價酒返來,開個大派對,請晒啲酒迷酒痴,當水咁飲,到條老千出咗名,人人都信佢係專家,就有機會將啲孖精當上品咁賣。講到尾,如果有條友話你知,有批拿破崙私人珍藏的紅酒,橫掂今日地球冇乜人飲過,專家話好飲就好飲喇。呢條橋,可能唔少人仲用緊,有興趣可以查吓一條叫「Rudy
Kurniawan」的友仔,睇睇條友點樣由出晒名的名酒收藏家,變成被人告到甩褲的奇幻過程。
講咗咁多,查實想話,要了解保利文化呢盤生意,首先要了解藝術文化呢個咁高雅的投資市場,究竟有幾唔清唔楚污糟邋遢,同埋藝術品作為一項投資工具的性質。
舉個例,黄金,最純正穩定的元素,幾乎人人都見過摸過,有幾重,咩色澤,普通人拎上手大概有個底,作為流通全球的商品,普通老千,好難話囤積奇貨式咁將個價炒上炒落。藝術品呢好唔同,一件嘢值幾錢斤,基本上有兩大決定因素:第一,所謂「權威」話你知值唔值錢;第二,類似貨色之前的成交價,一間好似保利文化的大型拍賣行,基本上掌握咗兩大定價的話事權。
又舉個例,阿叻如果想將《唐伯虎點秋香》
電影中的《小雞啄米圖》,拎出嚟拍賣,首先就要揾間拍賣行,鑑證咗係阿叻真跡,好喇,拎到去春拍秋拍,有條友出一百萬買咗幅《小雞啄米圖》,就會肯定咗阿叻作為一位畫家的身價,之後無論佢再畫《小學雞啄米圖》定係《金雞啄米圖》,好可能就以一百萬做底價。如果阿叻已經死Q咗,事情可能更加好辦,求其揾幾個「專家」、「權威」,將一堆「雞圖」鑑定為阿叻真跡,扲去拍賣,又可以賣到雞飛狗走。
絕對唔係講笑,大陸有位幾出位的畫家,叫葉永青,出名畫「鳥」,呢位人兄的「鳥畫」,聽講分分鐘賣到幾十萬一幅,坦白講,順叔對藝術真係識個鳥,有幾幅畫得幾靚又真係似隻雀的,順叔唔介意掛在自己屋企,不過幾十萬一幅值唔值(葉永青:逞匹夫之勇),真係唔知,放幾幅《鳥》喺呢度,等各位品評吓:
大鳥
獨行
保利文化作為拍賣行,食飯靠抽佣,有人願打有人願捱,有成交就有生意。保利文化招股書數字顯示,中國(含香港)的藝術品成拍賣成交總額,2003年只係得
24億(人仔,下同),2011年超過850億,超越美國成為全地球第一。仲有,全地球拍賣場賣得最高身價的畫家,去到2008年,中國畫家影都冇,齊白石的作品在2009年第一次擠身十大(排第三,僅次於畢卡索及Warhol),去到2011年,地球十大當中,有6個係中國畫家。
一個人有銀咗,自然會追求一啲物質以外的享受,最簡單就係買幾件藝術品裝飾吓屋企,扮吓上等人文化人咁,理論上,中國最識欣賞中國藝術品,唔買中國畫家,唔通走去幫襯日本藝術咩,齊白石張大千等作品炒得起,一啲都唔出奇。中國幾千年文化,係全地球唯一未終斷過的古老文明,真係地大物博,藝術文化品一大抽,市場供應自然夠深夠闊,加上股市唔爭氣,炒藝術可能更保值,所以拍賣市場成長好快,亦一啲都唔出奇。
查實最驚人的,係中國藝術品成交轉手的速度。通常一啲所謂名家名畫,唔會成日有貨出售變賣,好多更加係私人成交,冇需要俾拍賣行賺佣,中國市場好唔同,聽過剩係齊白石的大作,過去20年,已經在拍賣場成交超過27,000次。咁驚人的轉手速度,當然有古怪,例如當中好多成交係假貨,甚至係假成交,即係出天價買咗,造高咗個價之後,唔找數,拍賣行亦冇佣收,呢個風險因素,保利招股書都有提及。
有關中國藝術市場的種種怪現象,紐約時報舊年底整咗三篇好詳細的報道,老外睇中國,戴住有色眼鏡唔會走雞,不過幾篇嘢的確做咗唔少資料搜集,當中包括保利文化盤拍賣行生意,值得花時間睇睇。(NYT:
1. Forging an Art Market; 2. An
Art Power's Rises;3. The New Collectors) 幾篇嘢出嘢街之後,保利即刻彈出嚟反擊,又興趣亦可以睇吓。(紐約時報為什麼抹黑北京保利
中國藝術品市場可以發展得咁快,成交轉手速度咁高,一個好重要的原因,亦係保利文化招股書唔會話你知的原因,就係唔好政府官員都好呢味嘢,講白啲,套用內地的術語,叫做「雅賄」,當中涉及的行賄金額,內地傳媒話已經超越送樓送房。
舊年底,王岐山檔中紀委,唔嚴格嚟講即係共產黨的黨鞭,樓下份中國紀檢觀察報,特別為「雅賄」呢個現象,整咗篇詳細報道,主角係已經落馬的前安徽省副省長倪發科,好詳細咁披露咗阿倪生點樣癖迷玉石,當地地產商又點樣投其所好,行賄以玉,篇嘢仲有倪發科的第一身感受,講到玉石字畫物小價高,「披上愛好的外衣」,易增值易保管,即使被人發現,「玉石無價,無法認定」,「懂的人知道係有這愛好,不懂的人也不知道什麼價錢」。(紀檢觀察報:玉之過?慾之禍!
呢種優雅式貪污唔係新鮮事物,近年大陸傳媒報道過N次,包括最高檢察院樓下的方圓雜誌,早兩年已經講過幾個好詳盡的案例,令人大開眼界,包括已經著草的前福建工商局局長周金伙,據報近30年福州出土的壽山石名品,三份一落咗周生個袋,聽講條友臨著草之前,仲留低咗張字條:「不用費勁找我」。(方圓:雅賄江湖
大陸藝術市場出名多流嘢,咁送咗A貨俾人咪好大鑊?問題係,真真假假,其實唔係咁重要,最緊要買買賣賣,有人肯接貨,呢度又講到,另一個推動藝術品成交的重要因素:洗(黑)錢。
利用藝術品嚟洗錢,方法層出不窮,假又得真又得,例如商人A揾自己個女畫幅小雞啄米圖,送咗俾官員B,官員B將幅嘢拎去拍賣,商人A揾人用一百萬買起,咁就將一百萬漂白送落官員B個袋。遊戲掉轉玩亦可以,某相熟「權威」做梅,將珍品鑑定為A貨,賤價賣俾要賄賂的官員。
當然仲有更高級同埋複雜的手法,例如好似股票做庄咁,揾人Corner起畫家C的作品,一班友在拍賣場左手交右手,畫家C死咗,可以滲入大量假貨,畫家C如果仲在生,亦可以好似股票揾打手唱好咁,揾相熟「權威」寫評論,一輪搭棚之後,打造當紅藝術家甚至概念,如果庄家自己做埋拍賣行生意,咁就更加容易「造神」同埋「造市」。(21世紀:揭秘中國貪官文化產業洗錢6大手法
下回再續。

總評分: 30
紀錄: | VA: GJ x 10 (順叔出手非同凡响) | simonwor: GJ x 10 (支持順叔文章~) | greatsoup38: GJ x 10 (打倒大頭蔡)
「曾經,有一隻好有潛力嘅股票擺喺我面前,但我無好好咁去珍惜,等到低位沽咗嘅時候先至後悔莫及,股海中最痛苦嘅事情莫過於此。如果上天能夠畀我一個重新嚟過嘅機會,我會同我個經紀講三個字:『唔好放』。如果係都要喺隻股票加上一個目標價,我希望係,一萬蚊。」 ~ckcy2k
順叔 : 射射! (2014年3月4日)
普通會員
順叔
avatar
58.152.28.24
金錢: 815.30
帖數: 95
GP: 1390
LV: 10
交易所:

總評分: 20
紀錄: | simonwor: GJ x 10 (支持~) | wilsonchui: GJ x 10 (In 順ching we trust!!!)
普通會員
順叔
avatar
58.152.28.24
金錢: 815.30
帖數: 95
GP: 1390
LV: 10
交易所:
同場加映:傳說中的《唔撚係掛》

普通會員
wilsonchui
rbenabled
avatar
218.103.111.82
金錢: 2454.83
帖數: 4960
GP: 10676
LV: 71
交易所: 15200000.00
smileysmileysmiley

欣賞順SIR多角度思考,每篇文章總有驚喜smiley

其實你係點樣訓練自己,或者經歷過d咩野先可以將一樣野反轉再反轉咁睇?

又,順ching 有冇考慮過去教下critical thinking?
順叔 : 哈,射射支持,等禾諗諗可以點講 (2014年3月6日)
普通會員
ckcy2k
rbenabled
avatar
14.199.120.193
金錢: 12374.60
帖數: 761
GP: 331
LV: 28
交易所:
http://caijingcarefree.blogspot.hk/2014/03/blog-post_15.html

財經茄哩啡
縱壞的阿伯
Posted: 14 Mar 2014 09:06 PM PDT

香港「干燶你」全球第一
小孩不壞,阿伯最變態。
早排變態超人阿誠伯,又接受大陸《財新》傳媒訪問,講到香港好似個「縱壞的小孩」,「1997年時香港的GDP跟新加坡一樣,但今天新加坡高於香港最少三分之一。香港一定要提高競爭力。香港若真的走上民粹主義之路,就會像野馬易放難收」云云。誠伯係財經茄哩啡的嘔像,睇完訪問之後,一路喺度諗,究竟香港點解會搞成咁,最新一期《經濟學人》,又講「Crony Capitalism」,令順叔茅廁個塞頓開。
經濟學人整咗個「Crony-capitalism Index」,即係反映大孖沙「Rent Seeking」有幾嚴重的「圍威喂指數」,排名越高,大孖沙越容易㩒住政府搶錢,干燶你班小市民,結果香港勇冠地球,執返個世界第一,仲拋離第二位的俄羅斯幾條街,威。李氏力場地產霸權天下無敵,名不虛傳耶,此之謂「營商環境」也。
香港經濟之所以可以咁「干燶你」,皆因壟斷行業(香港主要係地產)的大孖沙身家,同GDP的比例,高達接近60% ,相對之下,新加坡唔夠10%,嗱嗱嗱,呢啲就係香港同新加坡「競爭力」最大的分別喇,近十幾年新加坡經濟發展,遠遠超越香港,而家大家明白乜嘢係真正的原因啦,究竟香港係個「縱壞了的小孩」,定係衰在有個(班)「縱壞了的阿伯」呢?
關連文章:
1. 變態超人(上)(中)(下)
伸延閱讀:
1. 財新:李嘉誠伯伯談香港
2. 經濟學人: Planet Plutocrat: Our crony-capitalism index
「曾經,有一隻好有潛力嘅股票擺喺我面前,但我無好好咁去珍惜,等到低位沽咗嘅時候先至後悔莫及,股海中最痛苦嘅事情莫過於此。如果上天能夠畀我一個重新嚟過嘅機會,我會同我個經紀講三個字:『唔好放』。如果係都要喺隻股票加上一個目標價,我希望係,一萬蚊。」 ~ckcy2k
訪客
Guest (IP: 54.166.75.80) avatar
(提示:如要觀看隱藏內容, 按此回到第一頁)
此版不容許訪客發貼, 請先登入。

Home RealBlog Stock Endless Choice Fancy Buzz Gloomy Sunday ZKIZ Wiki RealWidgets

在線會員:
killing3000
maycheungbeauty
greatsoup38
yantszming
FEEL
pcp7838
ccwhk
gsnoob
Highlight
abbychau
ng caddy
Clark0713
ant2012
jj1984
hkgbamboopanda
太平天下
dummy
17個會員和233個訪客
Powered by RealForum
Paged in 65.4ms (Q=9 + R=9) @ 2017-1-23 12:18 AM Asia/Hong_Kong
Archiver | 廣告聯繫: abbychau (at) gmail.com