普通會員
greatsoup38
rbenabled
avatar
183.178.164.120
金錢: 153735.90
帖數: 157942
GP: 3287
LV: 398
交易所:

C'est la vle 古明華 人氣: 320 回覆: 0


2016-06-29 EW[table=100%][td=3,1][table=100%]
[td=3,1]

C'est la vie,法文,讀音「射啦V」,意思是「這就是人生/生活」,是法國人每當遇上意料之外的事情時的口頭禪,既表示出無奈感受,也是自我安慰。

人生,的而且確有很多意想不到。

正如這個古佬古明華訪問,是在他為潘嘉德監製的新劇《三個女人一個「因」》開工前做的。那時他說到這齣劇,已顯得期待萬分。「德哥對我嘅愛,係無法解釋嘅!呢齣劇,佢要我做一個檢察官,如果呢個角色係個生活好有規律嘅人,我就會喺埋位之前,開始生活得好有規律,我會好好咁做定功課!哈哈哈!」殊不知,他自五月開始身體抱恙,日前更要停工留院,那個他滿有期待的檢察官角色,要由李國麟頂上了。

這件事會令古佬心情跌落谷底嗎?大概對他來說,頂多只有點失望吧!畢竟,剛踏入五十二歲的他,早已體會過不少無奈的遭遇,而自一二年「蘇基」令他人氣急升後,他更明白到,面對這些經歷,認命並非辦法,反而好好的活在當下,更可以讓他細賞到過程中的各樣美好。

「人生就係咁 啦!」這是他在訪問中最常說的話。

所以,訪問這天,躺在草地上的他,了無牽掛。

得獎 詛咒

守得雲開見月明,古佬古明華一二年憑藉《巴不得媽媽》中「蘇基」一角,終於成為外界焦點,更在同年的「萬千星輝頒獎典禮」上勇奪「最佳男配角」獎,彷彿一下子為自己過去的「被忽略」吐了一口烏氣。「多謝你哋(傳媒和觀眾)囉!如果你哋唔講,『蘇基』都只係一個角色!」

然而,行內人都說,獲獎同時如受了詛咒一樣,很多時有了獎座後,工作量也會無故地大減……

「呢樣嘢我都聽過,但係我又唔覺得係喎,好似出面啲登台、出席商業活動嗰啲job,我做『蘇基』之前冇口架, 家間唔中都會有。公司呢,工作量係少咗嘅,但係質就高咗,起碼畀我演嘅角色,係一個人物,雖然未必集集有份,但起碼每次出嚟,都會有自己條線。

「我以前啲角色,拍二十集,可能只係客串一、兩集,就算係連戲嘅角色,可能都只係個差館裏面一個CID,每次出場都係同差館裏面成組人一齊出鏡,唔會有自己嘅戲,又冇乜線,做完好似no show咁。

「我prefer我做啲角色係 家咁,重質不重量,好過以前密集式、為賺錢咁拍。而且,再加埋多咗外面嘅job,其實『蘇基』之後呢幾年,我係幾開心口架!」

重新演繹

古佬在『蘇基』之前,已為無綫效力了十八年,大部份角色不是強姦犯,就是收數佬,或是專食大茶飯的劫匪,很多時連綠葉的位置也稱不上,加上開工日子不多,久而久之令他相當沮喪,一〇年索性自薦加入配音組。

「嗰段時間係我嘅谷底,好迷惘,決定轉做配音,因為工作時間同收入都好穩定。我老婆同個女都畀咗咁多年時間我,好自私去做我鍾意嘅戲,我都要為佢哋做番啲嘢囉。我入咗配音組,每個禮拜我返六日工,每日返十個鐘,星期日可以同個女去郊遊。」

沒料到,才轉組年半,德哥便找他演「蘇基」。「佢開拍前四個月搵我,我一睇個角色,同我本身完全唔同,我就重新用另一個方法pick up,將以前讀書(演藝學院戲劇系)學嘅知識擺入去,分析個劇本同角色,搵嗰類人嘅朋友出嚟傾吓偈,了解吓佢哋日常生活係點,留意多啲佢哋嘅舉止,例如經過啲鏡或者反光嘅玻璃,都會不其然照吓自己、整理吓,為呢個角色build up個character。跟住只係拍咗幾日,德哥已經同我講:『古佬,你呢鑊掂呀!』我唔知佢講乜,我淨係知道我做得好開心!

「『蘇基』得到認同之後,我跟住再拍其他戲,都要自己做定晒preparation,例如做《愛·回家》嗰個律師角色,係個好注重儀表嘅中產人士,照理係唔會畀自己肥,所以我就特登日日去做運動,做咗七、八個月,做到套劇完為止——如果之前嗰十幾年,我都Keep住呢種方法做戲,可能好早我就已經好勁,但係人生就係咁樣囖」

食乜都得

作為一家三口的經濟支柱,「蘇基」後這幾年,銀行戶口照計應該也多了幾個零吧!「講真,又賺唔到乜嘢錢,絕對唔會多咗好多個零喎。不過一家人生活上、物質上係改善咗嘅,好似我以前只係揸電單車, 家都會買到架車嚟揸;以前可能三個月先可以成家人食一次buffet, 家隨時可以食,食乜都得——當然唔係話餐餐大魚大肉嗰啲啦!

甜心女兒

「仲有我個女(Tammi),佢 家十八歲,到咗要打扮嘅年齡,讀副學士,學費又要錢,佢基本經濟上都需求大咗,佢要使錢嘅時候,都同佢媽咪一樣,會問我攞,不過如果嗰個月使得七七八八,我都會同佢哋講明:『今個月冇錢,唔好問我攞。』當然,所謂冇錢,只係跟住嗰十日唔可以食buffet啫。」

也許因為從前十多年來,他們一家三口都是處於生活拮据的狀況,故現在更懂得珍惜所有,更易滿足。

「講得難聽啲,以前十幾年嚟,拍戲加埋配音,自己要死慳死抵,先啱啱好夠一家人生活,嗰啲日子係刻苦 ,但我又冇唔開心,或者好唔舒服,因為我知道,大把人仲刻苦過我!

「 家收入多咗,使嘅錢都多咗,不過經濟上冇乜壓力,因為我哋一家三口唔係要求好高嘅人,我個女都唔係要買乜嘢名牌嘢,如果佢要幾千蚊對嗰啲波鞋,我會同佢講:『你真係諗都唔使諗呀!』哈哈哈!」

女兒Tammi自小五開始患有腎小球炎後,多年來既要長期服藥,亦要經常進出醫院,令古佬兩公婆心力交瘁之餘,更非常心痛。古佬從前在訪問中便曾流着男兒淚說:「如果要我為一個人死,嗰個係我個女!」

猶幸她的病情,現在已有好轉。「冇以前咁worst,佢而家仲要keep住食藥,仲對付緊個病,但已經開始減緊藥,希望佢可以盡快甩埋個尾啦!」而且過着一般年輕人的生活。「佢嘅生活,只係同部電腦拍拖,同個男仔拍拖兩樣嘢咋!」古佬有點勞氣地說。「有時佢男朋友星期日嚟,兩個人都係喺間房度上網打機,我就會忍唔住話佢哋:『你哋拍拖拍到咁,真係得口架啦!』」

都說女兒是父親前世的情人,看來古佬應該在呷她男朋友和電腦的醋。「咁個女有時都會幾sweet嘅,好似我成日唔記得帶鎖匙、銀包出街,佢就黐咗張notice喺門度,畫住銀包同鎖匙提醒我,即係……OK嘅、OK嘅!」此時已見他冧笑到見牙不見眼。「其實我同佢同我老婆,三個人都好清楚,喺佢病嗰啲日子,大家互相付出咗幾多愛同關心。一個家庭somehow有個moment係永遠都唔會忘記,都係好事嚟嘅,只係建立喺呢啲咁不幸嘅事情上面,係有啲無奈囉。」

接着他深呼吸,再聳聳肩說:「不過,冇嘅,人生就係咁口架啦!」

有種關係......

一個「蘇基」角色,除改善了古佬的生活,改變了他的人生觀外,其實也帶來了外界的一點迷思。

話說一二年《萬千星輝頒獎典禮》的獎項塵埃落定後,有指憑《大太監》中「彭三順」一角,而有份角逐「最佳男配角」兼成大熱的陳國邦,因不忿輸給古佬,二人反目收場。

「其實我哋冇嘢口架!」古佬沒好氣的說。「『阿豹』(陳國邦的暱稱)不嬲做嘢都好踏實,佢做戲會做好多功課、好投入,我可以同一個咁好嘅演員,一齊競逐同一個獎,我係好榮幸、好開心口架!

「老實講,頒獎禮之前,佢直情同我講過,個獎畀我係好啲嘅。雖然話,我哋兩個就算邊個攞到個獎,都唔會對我哋之後做戲有任何影響,但相對嚟講,我攞到個獎嘅裨益,點都會係好啲,因為我之前真係nobody,乜都冇,而佢一直以嚟,某程度已經有咗認同。」

跟他算friend嗎?「大家一齊喺演藝讀咗幾年書、生活咗幾年,然後又一齊喺同一間公司做嘢,始終建立咗一啲感情嘅。咁多年嚟,有時我哋喺公司撞到,都會傾吓心事口架!你話我哋係咪好好朋友呢?我唔知點衡量,但,佢一定係同我好有感情嘅人!」

是的,人生中,總有些關係是不需要名詞或形容詞。

撰文 周彩霞 攝影 何國豪 設計 蔡宛真

訪客
Guest (IP: 54.156.82.247) avatar
(提示:如要觀看隱藏內容, 按此回到第一頁)
此版不容許訪客發貼, 請先登入。

Home RealBlog Stock Endless Choice Fancy Buzz Gloomy Sunday ZKIZ Wiki RealWidgets

geo stats
Powered by RealForum
Paged in 27.4ms (Q=8 + R=5) @ 2017-11-21 06:02 PM Asia/Hong_Kong
Archiver | 廣告聯繫: abbychau (at) gmail.com