普通會員
greatsoup38
rbenabled
avatar
183.178.164.120
金錢: 153735.90
帖數: 157942
GP: 3287
LV: 398
交易所:

另類借殼「神鵰」大揭露 高仁 人氣: 203 回覆: 0


2016-11-21 HJ  

各位「巴打」,高仁之前撰寫〈第二大股東收殼奪位戲位〉及〈收殼變大股東兩板斧〉兩篇文章,第二大股東以卓越超凡財技「收殼」奪得大股東寶座,足見「殼股」的價值所在。上市公司殼資源愈來愈珍貴,「唉賓」惟有扭盡六壬尋找借殼上市的方法,本文高仁會揭露另類借殼「神鵰」。

在披露對話實錄之前,請各位「巴打」與「絲打」先看人物背景,簡介如下:

戴孤劃──又稱為「戴Sir」,《信報》「蠱壇辨虛實」專欄作家,上市公司大股東,經常欺壓小股東;

謝學煌──本地投資銀行財務顧問,專門為企業度橋借殼上市。

戴孤劃:高仁,我聽聞最近港交所暗地裏人為收緊咗好多上市規則,尤其是RTO(反收購)買殼方面,即使可能單刁未到VSA(非常重大收購),佢哋都會當正你係做RTO,唔批准你借殼上市,搞到我認識嘅一班內地「鐵哥們」好頭痕。

高 仁:哈哈!唔使驚,學煌喺大廳。學煌兄係本地投資銀行界的買殼專家,可以話係高人中的高人。

謝學煌:高仁兄,過獎嘞。其實,我每個星期一、五都有追開你同戴Sir嘅專欄,你喺《信報》連續寫咗6年財技拆局,我就做足你6年粉絲。

戴孤劃:言歸正傳。學煌兄,你知啦,主板殼價咁鬼死高,動輒都要6.5億,而家仲要有人為風險,買殼風險有增無減。想買殼嘅「鐵哥們」,何止頭痕,簡直頭痛。

高 仁:係呀,今時今日買殼有較高風險,但就唔一定有高回報。

謝學煌:沒辦法啦!早排好多公司上市,原來係為咗啤殼,港交所被外界狂轟,嘈到拆天,只好出手嚴厲打擊妖股,以保持香港上市公司嘅整體質素。

高 仁:比起20年前,香港股市確實多咗好多妖股同妖人,你哋都見我喺專欄寫唔少啦。

戴孤劃:唔……雖然監管機構打擊妖股係無可厚非,用非常手段對付收殼亦冇唔妥,但事實上借殼上市嘅企業唔一定係妖股或妖人,我覺得唔應該一刀切囉。

白武士借殼屬專門財技

高 仁:既然係咁,究竟香港仲有冇低風險、高回報嘅「楊過」(註:高仁是金庸「粉絲」)呢?

戴孤劃:「楊過」?

高 仁:「神鵰」(神刁)呀!即係筍刁囉!

謝學煌:當然有,做白武士囉!因為,港交所同證監會都唔想長期停牌上市公司嘅小股東血本無歸,一般都會喺做Form A1標準嘅Circular比起IPO較為寬鬆一啲,有時候白武士總使費只須幾千萬至1億左右,仲要係已包埋約3000萬嘅專業人士費用,所以絕對係神刁。

高 仁:啊!我估計,白武士要先搞掂咗嗰班creditors同liquidator先,仲有核心內圍嘅FA(Financial Advisor,財務顧問)。

戴孤劃:高仁,你幾時變咗四大天王黎明呀?FA都有分核心嘅內圍同外圍?

謝學煌:哈哈!高仁講得冇錯,白武士借殼上市係一門比較專門嘅財技,唔係個個FA都識得點樣幫處於除牌程序【表】嘅上市公司搞復牌,相反識得吹水嘅FA就有好多。

高 仁:學煌兄有睇Leon嗰個4D concert嘛,佢絕對係處於核心嘅內圍啦。(下周待續)

本欄逢周一刊出

歡迎交流上市公司的財技個案及招數,請電郵至koyan@hkej.com

#高仁 #財經拆局 #財圈識真假 - 另類借殼「神鵰」大揭露
訪客
Guest (IP: 54.156.82.247) avatar
(提示:如要觀看隱藏內容, 按此回到第一頁)
此版不容許訪客發貼, 請先登入。

Home RealBlog Stock Endless Choice Fancy Buzz Gloomy Sunday ZKIZ Wiki RealWidgets

geo stats
Powered by RealForum
Paged in 23.4ms (Q=8 + R=5) @ 2017-11-21 06:04 PM Asia/Hong_Kong
Archiver | 廣告聯繫: abbychau (at) gmail.com