普通會員
greendevil
avatar
119.247.227.113
金錢: 13.20
帖數: 3
GP: 0
LV: 2
交易所:

[大發現] Living plus 住+居室 黑店中的黑店 (最新情況 : 2012-06-21) 人氣: 64577 回覆: 71


話說我5月中收屋,因為趕住6月中入伙,所以3月中已經開始找傢俬店,結果遇上Living plus荃灣鋪門市經理Louis和Designer Danny。不只浪費時間,還換來一肚氣。黑店10大哪喳手法大披露。 smiley

1.   那喳手法一:光顧時斟茶遞水、氹人落$1,000訂畫設計圖
話D板有幾好,無甲醛,可以攞D板去檢驗,保證合乎標準。我們帶埋Floor Plan同佢傾,佢地話會按照我所提供的構思、歐式風格和相片的款式,替每間房設計出2個方案俾我揀,並實牙實齒說相片中的樣式和花紋佢都百份百肯定可以做到,叫我落$1,000訂,話幫我做好設計。由於他們承諾會做到我們要求的樣式,於是我們落訂。結果到最後只有1個方案,就係將我的設計構思搬到圖紙上。smiley

2.   那喳手法二:無任何款式選擇,一直氹客落多D訂取圖紙
第二次見面(一星期後) 那些所謂圖紙,只是將我們的構思想法用圖紙畫一次,全無設計元素可言,亦只有一個方案圖則。當初承諾過會設計的2個方案圖則並沒有兌現。效果圖內雖然有我們的構思,但奇怪的是,當我們要求看作品和圖樣做參考時,他們一直推說不能提供,只能畫圖。並游說我地加多$12,000訂取圖紙,仲話訂金之後可以自由運用。其實是想用圖紙氹你落多D訂金。smiley


3.   那喳手法三:落訂後,立變臉,手法惡劣,遲遲不回覆
前後加埋總共落咗$13,000訂金,每次打電話搵Designer都係搵唔到,要隔天才會回覆。D圖答應一星期OK出圖,但過了一星期音訊全無,要追才約時間。唔看尤自何,一看把幾火,D圖同上次沒有大分別,簡直就係99.99%相似,但就突然講好多限制俾我地聽(落訂前完全無提及過任何限制,但落了$13,000訂金後才列出種種限制)。 smiley

4.   那喳手法四:承諾會做到,2個月後話做唔到,浪費時間,立心不良
傾了兩個月,Danny Day 1承諾能做到的款式,原來是失實,並要求我們要改款式,用咗2個月去傾,最後Danny竟然推翻一切一切諾言。我認為一個專業Designer應要對客人誠實、設計要有良心,佢咁樣做事,實在令人反感。由於他們做不到當初的承諾,而我地共識唔到一個方案,做唔到任何傢俬,要求退回$13,000訂金,Designer Danny話門市經理Louis Wong今日休息,要等佢明天上班才能處理,答應明天回覆,結果,音訊全無。smiley

5.   那喳手法五:打開門口做生意,話客人無Appointment,唔處理
由於我們急需耍傢俬,等了一個星期沒有回覆。唯有主動上門市尋求解決方案。無恥門市經理Louis Wong竟然話無約Appointment不作理會,打發我走(當時門市並沒有任何客人) Designer Danny竟然發脾氣。smiley


6.   那喳手法六:一味拖延,做display床竟要畫圖
由於對方完全沒有任何解決方案,而我們急着6月中要傢俬,只好退而求其次,要求先做門市display咗一張$9000油壓床,Louis Wong竟話要出圖,叫我等一陣,之後話唔可以。當初承諾訂金可以自由運用,到後來又改口話落$13,000訂唔可以只做$9000油壓床,仲話要殺訂,office會隔天回覆我地。我明白了,一開始其實是一個大騙局,目的只係要騙取訂金。smiley

7.   那喳手法七:講得出,做唔到,正大話王
一星期內,我們四次重覆要求做床,但只有苦等。多次追問下也沒有回覆、沒有回音、沒有交代,只是逃避。smiley

8.   那喳手法八:漠視客人之急,話之你死
一開始己說明急要傢俬,傾了兩個多月,只做一張display床也不可以。無賴黑店Living
plus 住+居室,店員門市經理Louis Wong和Designer Danny的處事手法:「不肯做床,不願退訂,絶不回覆」。smileysmiley


9.   那喳手法九:報警、報消委會,一於懶理 (賴皮),客人奈我地唔何!
我們再一次到門市尋求回覆,當晚只見Danny於門市,結果當然係重施故技(拖字訣),推說經理隔天會回覆。由於有被騙感覺,於是我們報警,要求警方介入處理。報警後,Danny急忙打電話,我仲以為佢係打電話問經理點樣處理,點之轉頭已有2個素未謀面的人趕到門市部助陣,情況猶如電影情節一般,CALL人!佢地似乎應付慣這一類大場面,只係擺出一幅懶理的模樣,你地奈我唔何!警方經過一輪問話後,已經瞭解箇中來龍去脈,因為暫時未見刑事成份,但亦發現店方處理投訴的方法有問題,建議我們向消費者委員會舉報!最後,警方亦清楚要求Danny負責通知門市經理Louis Wong或佢口中所述的公司辦公室林先生作出跟進及回覆。可是至今,仍然音訊全無。再補充多些,當晚警方再追問Designer Danny口中所述的公司辦公室林先生的職級時,Designer Danny只係支吾以對,吞吞吐吐,好像有些不可告人的秘密,講咗1分鐘都講唔到佢口中所述的公司辦公室林先生的職級,只係話林先生負責公司行政,警方對於佢的答案亦感到無奈。 smiley

10.  那喳手法十:想拖半年,令訂金作廢,手法無恥
由3 月底前後共落訂$13,000,但店方絕不肯做任何傢俬!要求轉做其他貨又被拒絕、要求退款又被一拖再拖!究其原因原來有跡可尋,細看落訂的發票其中一項條款,半年內要完成訂單的所有服務,否則所付訂金作廢!司馬昭之心、路人皆知!smiley

總結:呼籲所有受害者,報警及到消委會求助
事件再有進一步消息,會再上來向大家匯報,希望減少受害者!
我仲發現係我post出我被黑店 “Living plus 住+居室” 玩弄手段之前,原來已經有好多網友post咗關於佢地係黑店,同埋起 “Living plus 住+居室” 的不愉快經歷及遭遇。所以要買傢俬大家真係要去信譽良好的傢俬店!千祈唔好被無良奸商所害!

黑店 “Living plus 住+居室” 切勿幫襯!!!
普通會員
greendevil
avatar
119.247.227.113
金錢: 13.20
帖數: 3
GP: 0
LV: 2
交易所:
案件跟進

事件過左五個星期,“Living plus 住+居室”由於收到傳媒的查問,公司嘅CS終於向我們接觸,但係佢地其實無提出可行解決方案。相信事件只有訴諸法庭了!

無恥失實律師信–都唔知係唔係冇人幫佢出律師信,錯漏百出,仲有四大問題:

一、  我係落$13,000訂,但律師信竟然寫$12,000!
二、  話我Cancel order!但其實我要嘅嘢佢地係知,只係佢地最初話實做到我先落訂,最後話做唔到,我要其他嘢又唔俾我做,又唔覆我!而家竟然話我Cancel order!
三、  收圖樣費!第一日接觸至今,“Living plus 住+居室”一直都冇任何員工講過畫圖會收錢,咁究竟係點收費?逐張計?房間計?平方米?收費係邊個釐定?冇聽過,冇講過,冇睇過!
四、  收設計費!一開始係我帶埋Floor Plan同設計師傾,我俾哂所有構思、相片設計師,佢話每間房會設計2個方案俾我揀!但結果係由此至終都只係出現過1個方案,就係將我的設計構思搬到圖紙上。佢咁樣係設計?佢只係畫圖!我當佢係有「設計」過,咁點解最初冇講「設計」係收費?收幾多?

封律師信將$12,000 (係$13,000至真,律師樓打錯) 最後左算右扣下,話會俾返我大約$1000蚊多啲!

冇嘢呀嘛?我都未計你公司話做到又做唔到,做唔到又唔處理,唔處理就係咁一拖再拖!搞到我入伙期逼近眉睫!所有嘢都又急又亂!臨時臨急而找其他公司所產生嘅時間、精神同附加費用!

維護公司聲譽,保持與客人嘅良好關係,係一間公司成功之道!但係“Living plus 住+居室”就掉返轉。員工不能兌現向客人的承諾,公司不處理客人與員工的問題,而係發律師信深化雙方矛盾,所做一切都只係為左公司嘅利益而搾乾客人嘅權益!

“Living plus 住+居室” 你咁無賴,我一定會追究到底!

落左訂嘅朋友,銀碼少嘅就當買教訓,唔要錢可能好過事後悔恨,因為放舊嘈過交嘅廢物起你間屋,日對夜對真係會一肚氣,眼火爆!

銀碼多嘅朋友,希望你會遇到個好少少嘅設計師同經理真係幫到你。否則你可能要快啲準備定,將你第一日開始所接觸嘅事好好記低,留返最後追討賠償之用!
普通會員
greendevil
avatar
119.247.227.113
金錢: 13.20
帖數: 3
GP: 0
LV: 2
交易所:
16樓提及
15樓提及
我諗想拉佢地都好難喇.因為合約一開始就係對佢地有利.而且好多都係口頭上講既野.
所以網上唱衰佢係最好既方法

都無用啦..還是有很多人不會網上CHECK清楚就衝埋去
我上次個客因為梳妝台唔滿意,我地都立即換俾佢,我地辛辛苦苦建立型象..都俾呢D公司搞到好似黑店咁..唉..
希望呢D人公司早D接埋...

加油! 口碑係建立出黎! 努力係會有成果!! ^^
訪客
Guest (IP: 3.95.131.208) avatar
(提示:如要觀看隱藏內容, 按此回到第一頁)
此版不容許訪客發貼, 請先登入。

Home RealBlog Stock Endless Choice Fancy Buzz Gloomy Sunday ZKIZ Wiki RealWidgets

geo stats
Powered by RealForum
Paged in 15.1ms (Q=5 + R=5) @ 2019-12-7 08:32 AM Asia/Hong_Kong
Archiver | 廣告聯繫: abbychau (at) gmail.com