系統輔導員
greatsoup
rbenabled
avatar
183.178.141.180
金錢: 238413.91
帖數: 235290
GP: 4202
LV: 486
交易所: 305555.25
http://jimwong1120.mysinablog.co ... e&articleId=2915248
今日財爺宣佈每人派$6000, 仲有得退稅, 真係開心, 諗諗用黎點用, 買股票又太小, 不如買部相機玩, 講左好耐都未買; 今日又諗諗財爺派錢, 有咩股受惠, 大家口袋多左幾千蚊, 唔好以為真係拿黎舒緩通帳壓力, 事實係18-35歲年青一代大部份都只會拿黎消費, 買衫、買袋、買化粧品、買i-phone、買相機;即係未來幾個月, 本地零售店鋪將會大大受惠. 咁有咩股受惠呢? 數碼通?i.t? 佐丹奴?六福? 我都唔知, 窮人上年紀的會儲起、買食的, 後生的大部份拿黎消費, 而且唔會買幾百蚊一千蚊的電話、幾十蚊既衫唔買, 個個都會買i-phone, 可能去買個LV錢包仔, 收市前, 見I.T 升左上去, 數碼通由跌變升;又諗起好多後生仔買衫既包浩斯, 一件T恤都賣幾百蚊, 呢D 岩啦, 再睇之前DAVID WEBB都有持貨,PE 13倍左右, 息率有5厘,結果以3.0買入, 睇下可唔可以博下大霧, 執一兩成投機下.

講完開心, 又要講下傷心, 小弟以前讀過下政治學, 特別鍾意講政治野.

今次財爺派錢, 真係立左好壞好壞既先例;每次D議員傳媒撥完火煽動民眾後,政府就要屈服,政府的威望將會愈黎愈低, 施政愈黎愈難, 也不要期望未來十年, 政府有咩作為, 只可以唔做唔錯!我們已不是港人治港, 也不是特首治港, 留意下, 其實已經是傳媒治港, 傳媒手握大權, 由於普遍市民缺乏個人分析能力, 極度容易受到傳媒擺佈, 傳媒已是香港最強統治.

而家由注資強積金變為做派錢, 其實係由負責任的政府變為不負責任的政府;由長遠目的變為短線目的.全世界都在收緊銀根, 香港卻派錢, 哈, 真搞野!

我們的上一代通常生兩三個小孩,即是香港現時大都由兩三個成年人去養活兩個老人; 現時出生率持續下跌, 大部份只生一個, 或者不生, 即是三十年後, 一個人要養兩個人,這是人口老化, 出生率下降的影響;醫學科技持續改善, 港人的死亡年齡愈來愈遲, 即表示將來人口老化的問題會很嚴重,我們兩三十年後退休, 你的子女是難以養活你的.

本來香港如果仲係有錢, 搵錢能力強的就無問題, 但事實香港的競爭優勢, 已經愈黎愈弱, 若非中國政府係咁派糖俾香港, 香港靠什麼?我地唔似台灣日本新加坡有科技,唔似大陸越南有工業, 貿易亦愈黎愈弱, 金融被上海愈追愈貼, 靠什麼? 仲係自由行旅遊業吧! 你估仲支唔支持得住?

二十年後, 港人賺錢能力愈黎愈弱, 人口老化, 一個人養兩個人, 即是說老人家將會成為社會一個大負擔, 所以政府要夾硬推行強積金, 等你65歲時有D 錢剩。今次政府注資強積金, 係為長遠的目的而設, 係政府而家仲有錢時, 注資落去. 這是為數十年後的香港, 將來的政府鋪後路, 是一個負責任的政府的表現. 無奈, 大部份市民根本無足夠知識及能力去理解, 十個有九個都會話「D 錢俾我, 65歲先有得用, 有鬼用咩」; 每個人都只會睇短線, 怪也只能怪香港教育制度的失敗.( 今次注資失敗, 相信以後都無機會了)

現在來假設一下我是曾俊華, 如果我是不負責任的人, 我自私, 我希望得到廣大市民的讚賞, 還掂人工都一樣照出俾我, 最容易做的是怎樣? 你地想想? 派錢, 派錢是最容易的, 將政府的錢年年派, 不需要為將來的香港著想, 關我鬼事, 到時我都退休或死左啦, 我在任時, 得到全港市民讚我, 我是最高民望的財爺, 我是好財爺就可以啦, 還掂我一樣出咁多人工, 好, 一於派錢! 哈, 其實做財爺好容易者! 只要你夠不負責任就得啦! 曾俊華, 你真係蠢, 你就像那個前財爺梁錦松一樣, 蠢到死, 個個梁錦松蠢到真係, 有高薪厚職的公司高層唔做, 走黎減一大截人工, 話咩要為香港服務, 真係死蠢, 明知香港社會已經變晒質, 明知做官既都無好下場, 佢都要黎做, 結果咪又落得一個臭名, 暗然落台, 你都唔吸取教訓! 香港人是不會感激你的, 你不要做好人, 下年醒醒目目, 繼續派錢啦! 拿, 下年通帳一定仲嚴重既, 你今年派左, 下年你都好難唔派架啦! 你派得少過今年, 都要跪低呀! 狗官!

不過樓價就難搞D ,香港稅基狹窄, 大部份政府收入黎自賣地、利得稅, 若果要壓樓價, 代表賣地收入減少,即政府收入會大減, 仲點支持咁龐大既開支去派糖呢? 講開樓價, 03年個時D 樓價都大跌架, 點解個陣個個鬧董建華既? 咦! 點解而家而家D 人又話懷念董建華既!

樓價跌, 你又鬧, 樓價升, 你又鬧, 你想點呀! 當年董建華壓樓價, 做好事, 市民唔領情, 唔理解, 鬧到你X 街! 今日, 樓價可以壓嗎 ? 樓價一壓, 如果出事, 邊個負責? 議員傳媒嗎? 當然不是! 都係你, 曾任權! 如果樓價跌, 賣地收益減少, 政府隨時入不敷支, 邊個負責? 到時又係你, 曾俊華,死狗官, 搞到個個負資產. 如果你係特首財爺, 你應該點做呢?

講開又講, 香港係咪真係咁窮, 但點解係地鐵站度, 有一半人拿著i-phone, d 女仔個個都有一個LV? D 日本餐廳, 貴個D就間間要排隊, 平個D 就無人去? 香港是全世界個人擁有最多電子產品的地方, 係灣仔區, 一個舊區, 每五個成年人就有一個人有一百萬流動資產, 平日返上去大陸?骨, 幾乎全場被人服侍緊的都係尊貴的香港人, 在如此一個富裕的社會, 卻是最多投訴、最多不滿的一個社會. 香港人是不是被寵壞了? 我在想, 尊貴的香港人, 仍然可以尊貴多幾多年? 數十年後, 我們的下兩代可能要北上, 幫大陸人按腳了!

其實也不難去估香港的未來了, 只會每況愈下. 97年前的香港、今日的新加坡、中國, 經濟都是發展得好好, 人民生活愈黎愈好, 但都有一個共同點,就是政府是獨大的, 政府話一就一, 無得反對, 施政暢通無阻; 而且三個地區都是資本主義的社會. 資本主義+政府獨大=以前的香港=今日的中國(世界首富微軟老闆也曾說過今日的中國人比美國人更資本主義)。今日的香港=以前的中國=共產主義=愈來愈窮 (難怪恒地老闆也說香港較大陸更共產, 也難怪崇拜共產主義的長毛能夠當選立會議員)

社會已經變了質, 政府就算做什麼都無用, 一般市民根本無足夠的政治知識及經濟知識去分辨, 日日被傳媒議員影響, 都變晒無獨立思考. 我們拿二十年前的報章跟今日的報章對比一下, 有什麼不同? 以前的是報道(新聞就是要中立報道, 絕對不應及不可以加插自己評論), 但今日的主流報章呢?竟然大字標題寫「狗官」, 新聞已經論為少數人的政治工具(竟然在新聞中大量加插個人意見). 但這樣質素的傳媒, 香港人竟然接受, 也可見香港人的質素.......

我只能說, 兩大傳媒集團老闆、某幾個議員是香港的千古罪人. 香港的娛樂事業, 無論是歌星, 影星, 以前都是紅遍亞洲的, 我敢肯定以後都再無呢支歌仔唱, 因為我們已經難以有偶像了, 你一做偶像, 預了要被傳媒抹黑了, 他們會不停老作, 唱衰, 抹黑, 除非離開香港! 但政府是無辦法離開香港的, 只要是香港政府, 只要是做官, 就要被抹黑,唱衰了, 香港已經和香港的娛樂事一樣, 被傳媒玩到一沉不起...........................

講完....... 這篇文章與主流意見不同, 一定會有好多人不認同, 但我還是要寫, 而且我是不會回應的(我怕了那些假民主真共產的政黨及憤青, 他們不會接受其他人意見, 民主及言論自由, 只有他們自己可以有, 其他人持反對意見, 他們就要攻擊, 這就是他們的民主)
吹水可以去吹水龍鳳區膠區,睇文去文章區,睇股去股區,有問題去版務區,寫Blog 就開realblog


http://realforum.zkiz.com/viewforum.php?fid=148
~greatsoup
普通會員
龍生
rbenabled
avatar
219.78.202.9
金錢: 9422.45
帖數: 9933
GP: 5761
LV: 100
交易所:
我好鐘意呢篇文

講出心聲
普通會員
草帽
rbenabled
avatar
202.82.151.65
金錢: 2006.00
帖數: 2147
GP: 679
LV: 47
交易所:
傳媒已是香港最強統治. 我想阿爺先至係香港最強統治. 你認為曾財爺會為左傳媒而派錢嗎? 曾財爺基本上連建制派都唔放在眼內. 所以當建制派帶住傳媒或市民既意見, 接觸財爺既時候, 佢就巳經話改動既空間一D都冇. 這好明顯是雙曾既蓋棺定論. 有咩野事情可以單單一日就將個棺才蓋一腳踢開, 由零派糖退稅, 變為全派糖退稅. 一目了然啦.
訪客
Guest (IP: 34.232.62.209) avatar
(提示:如要觀看隱藏內容, 按此回到第一頁)
此版不容許訪客發貼, 請先登入。

Home RealBlog Stock Endless Choice Fancy Buzz Gloomy Sunday ZKIZ Wiki RealWidgets

geo stats
Powered by RealForum
Paged in 11.2ms (Q=14 + R=5) @ 2020-6-1 07:26 AM Asia/Hong_Kong
Archiver | 廣告聯繫: abbychau (at) gmail.com