普通會員
seasonssummer
avatar
218.103.38.92
金錢: 1.20
帖數: 2
GP: 0
LV: 2
交易所:
Sunny^_^55樓提及
話說我5月中收屋,因為趕住6月中入伙,所以3月中已經開始找傢俬店,結果遇上Living plus荃灣鋪門市經理Louis和Designer Danny。不只浪費時間,還換來一肚氣。黑店10大哪喳手法大披露。

1. 那喳手法一:光顧時斟茶遞水、氹人落$1,000訂畫設計圖
話D板有幾好,無甲醛,可以攞D板去檢驗,保證合乎標準。我們帶埋Floor Plan同佢傾,佢地話會按照我所提供的構思、歐式風格和相片的款式,替每間房設計出2個方案俾我揀,並實牙實齒說相片中的樣式和花紋佢都百份百肯定可以做到,叫我落$1,000訂,話幫我做好設計。由於他們承諾會做到我們要求的樣式,於是我們落訂。結果到最後只有1個方案,就係將我的設計構思搬到圖紙上。

2. 那喳手法二:無任何款式選擇,一直氹客落多D訂取圖紙
第二次見面(一星期後) 那些所謂圖紙,只是將我們的構思想法用圖紙畫一次,全無設計元素可言,亦只有一個方案圖則。當初承諾過會設計的2個方案圖則並沒有兌現。效果圖內雖然有我們的構思,但奇怪的是,當我們要求看作品和圖樣做參考時,他們一直推說不能提供,只能畫圖。並游說我地加多$12,000訂取圖紙,仲話訂金之後可以自由運用。其實是想用圖紙氹你落多D訂金。


3. 那喳手法三:落訂後,立變臉,手法惡劣,遲遲不回覆
前後加埋總共落咗$13,000訂金,每次打電話搵Designer都係搵唔到,要隔天才會回覆。D圖答應一星期OK出圖,但過了一星期音訊全無,要追才約時間。唔看尤自何,一看把幾火,D圖同上次沒有大分別,簡直就係99.99%相似,但就突然講好多限制俾我地聽(落訂前完全無提及過任何限制,但落了$13,000訂金後才列出種種限制)。

4. 那喳手法四:承諾會做到,2個月後話做唔到,浪費時間,立心不良
傾了兩個月,Danny Day 1承諾能做到的款式,原來是失實,並要求我們要改款式,用咗2個月去傾,最後Danny竟然推翻一切一切諾言。我認為一個專業Designer應要對客人誠實、設計要有良心,佢咁樣做事,實在令人反感。由於他們做不到當初的承諾,而我地共識唔到一個方案,做唔到任何傢俬,要求退回$13,000訂金,Designer Danny話門市經理Louis Wong今日休息,要等佢明天上班才能處理,答應明天回覆,結果,音訊全無。

5. 那喳手法五:打開門口做生意,話客人無Appointment,唔處理
由於我們急需耍傢俬,等了一個星期沒有回覆。唯有主動上門市尋求解決方案。無恥門市經理Louis Wong竟然話無約Appointment不作理會,打發我走(當時門市並沒有任何客人) Designer Danny竟然發脾氣。


6. 那喳手法六:一味拖延,做display床竟要畫圖
由於對方完全沒有任何解決方案,而我們急着6月中要傢俬,只好退而求其次,要求先做門市display咗一張$9000油壓床,Louis Wong竟話要出圖,叫我等一陣,之後話唔可以。當初承諾訂金可以自由運用,到後來又改口話落$13,000訂唔可以只做$9000油壓床,仲話要殺訂,office會隔天回覆我地。我明白了,一開始其實是一個大騙局,目的只係要騙取訂金。

7. 那喳手法七:講得出,做唔到,正大話王
一星期內,我們四次重覆要求做床,但只有苦等。多次追問下也沒有回覆、沒有回音、沒有交代,只是逃避。

8. 那喳手法八:漠視客人之急,話之你死
一開始己說明急要傢俬,傾了兩個多月,只做一張display床也不可以。無賴黑店Living
plus 住+居室,店員門市經理Louis Wong和Designer Danny的處事手法:「不肯做床,不願退訂,絶不回覆」。


9. 那喳手法九:報警、報消委會,一於懶理 (賴皮),客人奈我地唔何!
我們再一次到門市尋求回覆,當晚只見Danny於門市,結果當然係重施故技(拖字訣),推說經理隔天會回覆。由於有被騙感覺,於是我們報警,要求警方介入處理。報警後,Danny急忙打電話,我仲以為佢係打電話問經理點樣處理,點之轉頭已有2個素未謀面的人趕到門市部助陣,情況猶如電影情節一般,CALL人!佢地似乎應付慣這一類大場面,只係擺出一幅懶理的模樣,你地奈我唔何!警方經過一輪問話後,已經瞭解箇中來龍去脈,因為暫時未見刑事成份,但亦發現店方處理投訴的方法有問題,建議我們向消費者委員會舉報!最後,警方亦清楚要求Danny負責通知門市經理Louis Wong或佢口中所述的公司辦公室林先生作出跟進及回覆。可是至今,仍然音訊全無。再補充多些,當晚警方再追問Designer Danny口中所述的公司辦公室林先生的職級時,Designer Danny只係支吾以對,吞吞吐吐,好像有些不可告人的秘密,講咗1分鐘都講唔到佢口中所述的公司辦公室林先生的職級,只係話林先生負責公司行政,警方對於佢的答案亦感到無奈。

10. 那喳手法十:想拖半年,令訂金作廢,手法無恥
由3 月底前後共落訂$13,000,但店方絕不肯做任何傢俬!要求轉做其他貨又被拒絕、要求退款又被一拖再拖!究其原因原來有跡可尋,細看落訂的發票其中一項條款,半年內要完成訂單的所有服務,否則所付訂金作廢!司馬昭之心、路人皆知!

總結:呼籲所有受害者,報警及到消委會求助
事件再有進一步消息,會再上來向大家匯報,希望減少受害者!
我仲發現係我post出我被黑店 “Living plus 住+居室” 玩弄手段之前,原來已經有好多網友post咗關於佢地係黑店,同埋起 “Living plus 住+居室” 的不愉快經歷及遭遇。所以要買傢俬大家真係要去信譽良好的傢俬店!千祈唔好被無良奸商所害!

黑店 “Living plus 住+居室” 切勿幫襯!!!


我都可以證實哩間公司常用手法就係如此呃人劏客人!

本人舊年因趕住搬屋,誤入哩間位於homesquare嘅Venice Design 威尼斯設計廊(living plus旗下brand,可能因為livingplus哩個名已經臭嗮),點知便如羊入虎口。

1. 初時一個叫Dick嘅呃人大王designer(即係sales)三番五次拖延交圖時間,幾幅極簡單嘅design圖遲左成10幾日先比到我,同時欺騙我仍可以按合同時間交付。點知最終係我不斷催促之下都係遲左交貨,我因此打左幾日地鋪。

2. 交貨時有個床頭板尺寸整錯,師傅同我話需要攞返廠修改,我話好,但係佢又暗示我話如果我肯比佢四百蚊,佢地都可以即時幫我整好返,簡直不知所謂!

3. 傢俬手工求其,衣櫃嘅“無聲趟”簡直係“超大聲趟”,噪音極大,又唔順。因為之前嘅溝通已經發覺佢地係呃得就呃、推脫責任嘅公司,我都費事搵佢地上來維修,唸住自己將就住用,點知過左幾個月,個門成個跌左落來,我見冇得再將就唯有打電話上去請佢地維修,話有人會聯絡我點知過左幾個星期都冇人搵過我,近日再打番上去,佢維修部話:哩排師傅好忙,要農曆新年后先得閒,你將就再用多陣先。

咁嘅公司簡直係搵笨,我真係超級後悔當時冇google做d research先,因為其實已經有好多人比間公司呃過!希望巴打姊妹留意間公司,千其5好幫襯佢地!正黑店來嘅!
訪客
Guest (IP: 34.231.21.123) avatar
(提示:如要觀看隱藏內容, 按此回到第一頁)
此版不容許訪客發貼, 請先登入。

Home RealBlog Stock Endless Choice Fancy Buzz Gloomy Sunday ZKIZ Wiki RealWidgets

geo stats
Powered by RealForum
Paged in 20.3ms (Q=5 + R=5) @ 2019-11-20 09:16 PM Asia/Hong_Kong
Archiver | 廣告聯繫: abbychau (at) gmail.com