qbbsclassic在65樓提及
股股怪怪在62樓提及
qbbsclassic在58樓提及
股股怪怪在54樓提及
qbbsclassic在50樓提及
股股怪怪在43樓提及
qbbsclassic在9樓提及
法律有漏洞
最正確的做法就係修改基本法
有漏洞自己唔去修改
呢個都唔知係乜野政府來
http://big5.xinhuanet.com/gate/b ... ntent_6144719_9.htm
92.1997年7月1日以後,香港特別行政區如果修改基本法,應經過什麼程序?
答:香港特別行政區基本法修改議案,須經香港特別行政區的全國人民代表大會代表三分之二多數、香港特別行政區立法會全體議員三分之二多數和香港特別行政區行政長官同意後,交由香港特別行政區出席全國人民代表大會的代表團向全國人民代表大會提出,由香港特別行政區基本法委員會研究並提出意見,才能列入全國人民代表大會的議程。
香港特別行政區基本法》第24條第1段,為香港永久性居民(不一定擁有中華人民共和國國籍)的資格下了定義,頭三點包括:
在香港特別行政區成立以前或以後在香港出生的中國公民;
在香港特別行政區成立以前或以後在香港通常居住連續七年以上的中國公民;
以上兩項所列居民在香港以外所生的中國籍子女;(其餘省略)
除了句式上的改動外,此定義與中英聯合聲明附件一的內容一致。
基本法第159條包括以下一段:
本法的任何修改,均不得同中華人民共和國對香港既定的基本方針政策相抵觸。
換句話說,除非修改基本法把上段除去,又或者修改中英聯合聲明(兩者都非邏輯上不可能,只是其政治意味極強,因為所謂「五十年不變」是最少上述基本方針政策不變),否則,不論如何修改基本法第24條,其行文都必須包括中英聯合聲明附件一上述有關的部分。
==========================
其實, 如果修改基本法容易, 班狀棍議員, 應該會出聲去做, 佢地咁熟法律, 但連佢地都冇咁要求, 可見有相當的難度
而當時一直爭論的, 只是釋唔釋法, 而不是修唔修改基本法.
議員係可以睇住你死而乜野都唔做
任何議員都係為自己利益
政治就係咁污糟
點解你覺得議員唔做就等於無得做
舉個例子:
我見到你冇關門比人偷野
我鍾意睇住你死
唔幫你關門
係咪代表度門唔可以關先
即係你都明白呢班議員想玩死香港?
公民黨全部係大狀, 若果修改基本法係容易, 他們又真心為香港, 唔係想玩死香港, 咁佢地應該一早提出修改基本法??
你唔好同我發神經
人只會為自己利益
無論官又好、議員又好
邊有人會真心為香港
有, 我身邊好多人, 主要係思想較成熟的一班..都對泛民及毒果的所作所謂好痛心;
因為我們都真心為香港, 想下一代好, 唔想香港衰
有時聽沉默之聲講野, 佢地講得好好, 係一班冇被洗腦的人組成... 得閒就聽下
想香港好
一定要地產跌
地產唔跌
所有利益入晒大地主、大商家個袋
你果d自由行令到化妝品、金鋪賺大錢
其實關我屁事
我只知道整到我食野都貴好多
民怨就係咁來
你真係諗得太簡單. 所以我話, 好多人唔理解政府的難處, 容易將所有責任歸咎於政府, 可見香港教育的確出現問題
樓價太貴, 租金太高, 的確對香港做成很大影響, 但係樓價如果唔貴, 做成的問題仲大, 政府賣地收益唔夠, 要支付龐大的開支, 就要大加稅, 或者擴寬稅基, 呢點都係好難, 而加利得稅, 亦可能影響投資, 進而影響就業;
董建華個陣想壓樓價, 最後係點結果, 唔駛講 , 當初舉腳支持的泛民, 話董建華八萬五唔夠, 要九萬五, 到最後金融風暴出事, 調轉鬧董建華八萬五政策... 而家, 你係特首, 你可以點樣去大壓樓價? 所以香港係陷於死局.... 靠自由行吊命, 但旅遊業並非高增值的行業, 最大用途係促進就業, 香港不能只靠旅遊業
至於你話金鋪, 化粧品賺大錢, 唔關你事, 坦白講, 有點令我失望.買開股票, 應該多點認識經濟. 這是很簡單的經濟常識; 自由行來香港, 只去金行化粧品嗎? 他先坐巴士、的士、港鐵, 去迪士尼海洋公園, 街邊小食店, 茶餐廳, 衣服零售, 酒店員工, 便利店, 以至在報紙檔買雜誌,
當中, 涉及幾多人的生計? 老闆賺錢交利得稅, 員工出糧交薪俸稅, 政府有稅, 才可以出糧俾警察消防員, 才可以有醫療福利, 你才有穩定安全的生活, 明嗎? 而這些行業的員工老闆, 有收入, 就係香港消費, 再惠及其他行業, 這是環環相扣.
不論你做那一行業, 都會受惠自由行; 就算你係街市賣菜, 自由行減少,各行各業的人收入減少, 買餸都買少d , 你的收入都會受到很大影響, 明嗎?