普通會員
jetso_queen
rbenabled
avatar
223.197.151.243
金錢: 21.20
帖數: 21
GP: 0
LV: 5
交易所:

未補地價 加按犯法?公屋 居屋 業主加按攻略(限制篇) 人氣: 662 回覆: 0


喺香港,擁有一層未補地價嘅 公屋 或 居屋 ,其實都算比上不足、比下有餘。有個瓦遮頭當然好,但未補地價嘅公屋、居屋,始終有套現、加按上嘅限制,好多人仲覺得,未補地價,加按犯法喎…….咪住,呢個諗法到底係唔係真嘅呢?淇淇嘅例子,可以俾大家參考下。



淇淇畢業後出外來工作多年,一直有個創業夢,就係想搞一本屬於自己嘅雜誌。她本身月入大概2萬元,屋企人喺柴灣留咗一層自住嘅未補地價居屋俾佢,佢自己仲有10萬元積蓄。一年前,佢決定實踐理想,用積蓄加上向銀行借私人貸款20萬,年息約8%,分5年歸還,咁就開展佢嘅創業生涯。點解要向銀行借款,而唔選擇加按居屋呢?咪就係因為覺得未補地價嘅居屋,唔能夠加按囉。

創業當然難關重重,經營咗一年,雜誌社業務未如理想,淇淇資金用得七七八八,還款出現困難。佢起初試過用信用卡透支現金嚟還款,但雜誌社唔穩定嘅收入,令到淇淇唔能夠準時還款,而利息支出都開始愈來愈高。不過,雜誌社業務開始見到希望,到底淇淇應該何去何從呢?

唔好以為而家只係淇淇嘅故事,其實喺香港,好多未補地價嘅公屋、居屋業主,都同淇淇一樣,在生活中突然需要一筆資金,但又覺得自己嘅物業未補地價,唔可以加按,然後就去借利息比較高嘅私人貸款。

其實未補地價嘅公屋、居屋,加按係唔係犯法呢?答案係否定嘅,只要你跟足程序,符合一定條件,未補地價,你都可以加按公屋、居屋,套現資金周轉!

原來根據房屋條例,即使你嘅公屋、居屋喺5年轉讓限制期內,或5年過後未補地價,都可以再做按揭,不過就要符合一定條件,再獲房屋署署長批准,而可獲批准嘅加按原因包含:

  • 籌措醫藥費;
  • 家庭成員教育費;
  • 殮葬費;
  • 業主因離婚/分居而致需向配偶付還樓價或支付贍養費;
  • 業主因生意出現財政困難,以致難以應付開支。


而其他原因,例如個人財務問題,亦都會根據個別情況考慮。當你向房屋署取得「重新按揭准許證明」,就可以向根據銀行業條例領有牌照或註冊銀行,或接受存款公司,申請加按。

睇到呢度,有財務需要嘅公屋、居屋業主,係唔係覺得好有希望呢?然而現實冇咁簡單,好多業主其實都知道公屋、居屋可以加按,只不過原來實際操作上,困難重重,令到一啲業主轉而選擇向財務公司貸款,甚至稍一不慎,就跌入不良財務公司嘅「自置公屋、居屋加按陷阱」!到底實際操作上,自置公屋、居屋加按會遇上乜嘢困難呢?請留意接下來淇淇嘅故事,了解更多未補地價公屋、居屋嘅加按陷阱。

立即上MoneyHero.com.hk按揭比較平台找出最抵按揭計劃。
原文轉自MoneyHero.com.hk
訪客
Guest (IP: 18.206.187.81) avatar
(提示:如要觀看隱藏內容, 按此回到第一頁)
此版不容許訪客發貼, 請先登入。

Home RealBlog Stock Endless Choice Fancy Buzz Gloomy Sunday ZKIZ Wiki RealWidgets

geo stats
Powered by RealForum
Paged in 11.1ms (Q=14 + R=4) @ 2020-6-2 12:30 AM Asia/Hong_Kong
Archiver | 廣告聯繫: abbychau (at) gmail.com