系統主任
abbychau (亞貝)
rbenabled
avatar
127.0.0.1
金錢: 13755.65
帖數: 32022
GP: 5040
LV: 179
交易所: 13150616.50

[明報]【羅仕揚blog】好人難做 人氣: 276 回覆: 0


「一百萬嘅問題。你生仔寧願係聰明絕頂,但卻偷呃拐騙,偏偏賺盡大錢;定係平平庸庸,奉公守法,忠忠直直,卻終需乞食?」

世界盃後的首個Happy Hour,趁著大市淡靜到成交只有700多億,未到5時半,大家已急不及待衝到樓下平台先飲為敬。同事們由世界盃講到小米,再由小米講到近期一單有關父子爭樓的新聞。這單可媲美《溏心風暴》的爭樓風波,事緣父親哭訴兩個兒子未經同意下,賣了由他出資購入的物業,兼且不認父;但兒子反指父親爛賭、炒燶過期指、虧空過公款,兼且破過產。互揭瘡疤下,父親表明要入稟控告兒子涉嫌騙取銀行按揭,同為共犯的他,不惜冒著自己可能亦會身陷囹圄的風險,寧願與兒子同歸於盡,也要反擊到底。

「呢單案咁複雜,老豆話兩個仔係逆子,但兩個仔又反指老豆爛賭,我哋啲外人點知咁多?」同事A呷一口啤酒說。「不過老豆95、96年買得起私樓,但之後竟然申請到公屋,如果唔係呃政府,就應該真係好似個仔講咁炒燶咗嘢,個仔未必係好人,但老豆都唔見得係好人。」「唔係喎!09年個仔出身冇耐,用常理推論,邊有百幾萬錢俾首期?舊錢係老豆出,呢樣應該冇疑點。」同事B平時不太看八卦新聞的,想不到連他也對這單新聞略知一二。當然同事B說這話時,未知道記者再三核查後,得知涉事父當時有破產令在身,如他有錢不還而出錢付首期是欺騙政府,沒錢而冒認出錢付首期是講大話,兩者都反映這個父親人格相當有嫌疑。「不過邊個出錢都好,當眾唔認自己老豆,點都係唔啱!」同事B已為人父,對孝順相關議題,遠比對金錢議題敏感。

「姑勿論老豆啱定兩個仔啱,你哋覺唔覺得,呢三父子嘅生活智慧真係好高超?」較年輕的同事C,觀點一向與別不同,眾人一臉錯愕地望著他,期待著他進一步解釋。「你睇吓個老豆,陷入財困夠膽虧空公款,坐監幾年又一條好漢。山窮水盡再申請破產,活用呃同騙呢兩個字,之後公屋、居屋、私樓咁換上去,400萬買千幾萬沽,兼且仲有一間私樓在手,呢個唔係好勵志嘅故事咩?我覺得佢點樣谷底反彈、絕處求生,直情可以出書!就算兩個仔真係唔養佢趕佢出街,佢開班教人點樣走法律罅,肯定大把人報名,佢開Talk我第一個去撲飛!」聽到同事C的論述,眾人不禁連番反白眼、哭笑不得。

「咁佢兩個仔又點樣有生活智慧呢?」這問題是我問的,逆子與否旁人不好說,但驟眼看卻看不到兩人有何精明之處。「我問你一個好簡單嘅問題,一個正常人打份工,去到30歲,有冇500萬?」像你和我做投資銀行的,如果碰上幾年好景,公司肯派B仔,而且不太大洗兼且會儲蓄,應該會有的。「咪就係囉!但有幾多人做到投行?呢兩個仔咁後生,賣咗層樓套現已經有500萬,做生意又好、去玩又好、用嚟食女好、去買舊樓間劏房再錢搵錢都好,30歲仔已經踏出財務自由嘅一大步,試問又有幾多人做得到?」同事C的觀點,一時之間,似乎也難以找出可反駁之處。

「我又問你,你寧願你將來生仔,有能力呃人兼且賺到錢,定係老實人但餐搵餐食餐餐清?」同事A受父子爭樓案啟發,突然問出這樣的一個問題,感覺就像要決定吃屎味朱古力、還是朱古力味屎一樣難,這亦是文章開首的問題。包括同事C和我在內的幾個同事,答案顯然是前者,只剩下已為人父、感同身受的同事B在天人交戰。「唔,我寧願做呃人嘅有錢人。」同事B忐忑了好一陣子,終於作出和我們一樣的答案。

「你講原因之前,等我講先,因為你肯定好有深度,我只係諗埋啲膚淺嘢。」同事C阻止了同事B的發言,先自嘲一番,帶熱了圍內討論的氣氛。「好簡單,我將條問題形象化咁套入近期嘅時事入面,就好容易做出決定。你想生個做賣倫敦金呃人嘅妹妹,定係生個因為J痕而俾人呃錢嘅宅男?」同事C環顧四周,先賣一賣關子。「咁梗係倫敦妹好啦!起碼個人夠醒,又明白人性弱點,先有能力呃到人。係就係旁門左道,但起碼有自我保護、自給自足能力。諗歪咗,價值觀唔啱,仲有機會撥亂反正;但人蠢無藥醫,蠢人點都點化唔返做聰明人。」

「做人父母,邊個唔想仔女做好人?有邊個想見到仔女賣倫敦金呃人?」聽完同事C的調笑,似乎到了同事B的真情剖白時間。想不到一個問題,竟然觸動了他的父親身份認同。「問題係,好人難做,香港社會似乎唔太鼓勵勤力人,勤力人通常都發唔到達;反而走法律罅、識搵錢嘅人,先會得到世人歌頒。其實對錢嘅追求,香港人已經入咗血,細個你阿爸阿媽叫你俾心機讀書、將來搵多啲錢,定係叫你做個好人多?」

「叻嘅壞人,總比蠢嘅好人,擁有更高嘅生存能力。既然好人難做,改變唔到呢個社會,就只好適應呢個社會。諗通呢一點,就好易make到decision。」說罷,同事B拿起手中啤酒一飲而盡,只剩下陷入深思的我們。

羅仕揚

 


                    

來源: http://www.mpfinance.com/fin/col ... 5578&issue=20180719
訪客
Guest (IP: 54.158.208.189) avatar
(提示:如要觀看隱藏內容, 按此回到第一頁)
此版不容許訪客發貼, 請先登入。

Home RealBlog Stock Endless Choice Fancy Buzz Gloomy Sunday ZKIZ Wiki RealWidgets

geo stats
Powered by RealForum
Paged in 22.2ms (Q=6 + R=5) @ 2018-10-21 12:38 PM Asia/Hong_Kong
Archiver | 廣告聯繫: abbychau (at) gmail.com