10樓提及
8樓提及
5樓提及
回購領匯做什麼？減租？領匯幾時變成生意人的福利？反對官商勾結，反對資助商戶，反對租戶霸權
鱷兄,你未免太過激進吧
雖然我都知有D人以前係靠做屋村生意發達,但係賺既都係合理利潤,而且居民亦都負擔得起
回購番唔係資助商戶,係分番開兩個巿場,而家屋村都被大集團壟斷,小商戶好難生存
社會上係需要中小企,呢個都係社會向上流動既機會
"居民亦都負擔得起"即使係而家轉晒做同一樣既店舖都唔係太貴反而平左tim
"中小企"香港已經有好多喇.街邊好多不知名既店未係囉.
同埋我係823上市前去過好多場都冇野行,就算有店舖,貨品唔多,價錢唔平,服務唔好.
屋村個MARKET係應付居民日常所需,唔係區外客
我住舊式屋企,樓下以前有四間麵包舖,美心,聖安娜,仲有兩間小型,一間小型已執,一間小型已加價,另外兩間D麵包簡直係天價,閒閒地都五六蚊一個
洗衣舖由兩間變一間,小商戶又係執左,得番間連鎖
食肆執左幾間,得番一間茶餐廳,一間快餐店,同埋冬菇亭
有某D商品可能會平左,因為連鎖店來貨價平,唔派貨俾小戶已經一早聽聞,但長此落去,只會俾大集團去繼續壟斷巿場,到時佢夾你價,巿民變相捱貴野
早十幾年前,燃油巿場原本有生機,BP黎香港開檔,個價比"巿價"平(巿價係劃一),之後其他油公司齊齊壓低零售價去搶客,趕走左BP,到最後個價又係升番,又繼續壟斷巿場......
自從領匯入主,好多小商戶都捱唔住,情願吉左個舖,都要抬高個價
情況同的士無異,情願無人租,都要抬高個車租去托高個牌價
長此落去,只會富者越富,貧者越貧
